Даслаць навіну
Знайсці
11.10.2019 / 18:40 21

У Беларусі расце разрыў у аплаце працы мужчын і жанчын. У сферы ІТ гэта 40 працэнтаў!

У Беларусі расце разрыў у аплаце працы мужчын і жанчын. Калі ў 2005 годзе ён складаў 20,9%, то летась — 27,3%.

Павялічыць выяву

Здымак носіць ілюстрацыйны характар. Фота з сайта Wargaming.com.

«Розніца ў аплаце захоўваецца, як у пераважна мужчынскіх, так і ў жаночых прафесіях», — расказала навуковая супрацоўніца цэнтра эканамічных даследаванняў BEROC Марыя Акулава падчас семінара аб мерах падтрымкі жанчын на рынку працы.

Калі глядзець на найбольш высокааплатных супрацоўнікаў, то разрыў у заробках перавышае 35%. Прычым 26,7% з іх нельга патлумачыць адукацыяй, вопытам ці прафесіяй.

Цікава, што ў прыватным сектары розніца ў заробках мужчын і жанчын ніжэйшая, чым у дзяржаўным.

«Тут адной з прычын можа быць тое, што, верагодна, у больш кваліфікаваных жанчын ёсць стымул сыходзіць у прыватны сектар, таму што гэта адзіны спосаб для іх падтрымліваць устойлівы і добры ўзровень даходу для сябе і сваёй сям’і», — мяркуе даследчыца.

Самы вялікі разрыў у аплаце працы за 2018 год назіраўся ў сектары ІТ — 40%. А самы нізкі — у галіне транспарту і лагістыкі (6%).

Прычын розніцы ў заробках шмат. Марыя Акулава пералічвае толькі некаторыя з іх:

«Жанчыны выбіраюць менш аплатныя галіны, якія дазваляюць ім больш гнуткі графік працы — свайго роду плата за тое, што з’яўляецца больш магчымасцяў выконваць дамашнюю работу. Таксама гэта недахоп STEM-адукацыі. І тое, што ў нас усё роўна існуе істотны перакос у той адукацыі, якую абіраюць мужчыны і жанчыны пасля школы».

Павялічыць выяву

Здымак носіць ілюстрацыйны характар. Фота Волі Афіцэравай.

«А хто сёння не пускае маладых дзяўчат у інжынеры ці ІТ-спецыялісты? Такіх жа абмежаванняў няма, — заўважае начальнік упраўлення палітыкі занятасці Міністэрства працы і сацабароны Алег Токун. —

Цяпер кажуць: павінны у ІТ працаваць 50% мужчын і 50% жанчын, у шахтах — 50 на 50. А для чаго мы так робім, ці ёсць запыт ад грамадства на гэта? Каб была проста нейкая міфічная роўнасць?

Павінна быць эканамічная эфектыўнасць. І людзі павінны займацца любімай справай».

Апытанка

Nina.nn.by

1
хамса / адказаць
13.10.2019 / 08:13
гыгыгы, дзякуй.. да слёз) але падумалася.. а што калі б на мерседэсе была яна?)
0
гыгыгы / адказаць
13.10.2019 / 10:25
хамса, скажу шчыра - на маю думку мужчын гэта больш адпудзиць чым прыманиць. Напэуна - першае аб чым паддумаешь - можа быць мне не па кармане..... Гы - во як атрымливаецца - мужчыне добрая машына патрэбна каб жанчын прывабиць, а дзяучыне - наадварот - каб лишния адразу паадсеялися.....
1
HENRIK KWINTA / адказаць
13.10.2019 / 18:52
А яки разрыу памиж горадам и вёскай! Разумных жанчын мала, а бландзинкам нетрэба за дур плациць многа.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30