Знайсці
11.10.2019 / 14:01РусŁacБел

Лідары ЕС абмяркуюць санкцыі супраць Турцыі ў сувязі з аперацыяй у Сірыі

Краіны Еўрапейскага саюза абмяркуюць магчымае ўвядзенне санкцый супраць Турцыі ў сувязі з яе аперацыяй на поўначы Сірыі на бліжэйшым саміце ЕС, які пройдзе на наступным тыдні ў Брусэлі. Пра гэта заявіла французскі міністр па справах ЕС Амелі дэ Маншален, піша Радыё Свабода.

Большасць дзяржаў ЕС рэзка асудзіла распачатую ў сераду турэцкую аперацыю супраць сірыйскіх курдаў. Рада Бяспекі ААН напярэдадні па патрабаванні шэрагу еўрапейскіх краін за зачыненымі дзвярыма абмеркаваў сітуацыю ў Сірыі. Ніякіх заяваў па выніках абмеркавання прынята не было.

Адназначна асудзіць дзеянні Турцыі адмовіліся як Расія, так і Злучаныя Штаты. Пры гэтым пастаянны прадстаўнік ЗША ў ААН Кэлі Крафт ў чацвер папярэдзіла Турцыю, што аперацыя супраць курдаў на паўночным усходзе Сірыі пацягне за сабой наступствы, калі Анкара не абароніць ўразлівыя катэгорыі насельніцтва і не здолее стрымаць тэрарыстычную групоўку «Ісламская дзяржава».

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера