Даслаць навіну
Знайсці
11.10.2019 / 07:35 4

Іранскіх жанчын упершыню за 40 гадоў пусцілі на футбол. І адразу 14: 0

Тры з паловай тысячы іранскіх жанчын ўпершыню за без малога сорак гадоў змаглі паглядзець на стадыёне футбольны матч. Раней іранскім жанчынам заходзіць на стадыёны было строга забаронена, піша bbc.com.

Гістарычнай гульнёй стаў матч паміж зборнымі Ірана і Камбоджы, які іранская каманда выйграла з лікам 14:0.

Жаночы сектар на стадыёне «Азадзі» быў аддзелены ад мужчынскіх.

3500 «жаночых» квіткоў, як паведамляецца, разышліся за лічаныя хвіліны. Стадыён разлічаны на 78 тысяч месцаў, многія з іх былі пустыя. Жанчыны былі незадаволеныя абмежаванай колькасцю квіткоў.

Прадстаўнік урада растлумачыў невялікі лік жаночых квіткоў тым, што грамадства не гатова да адмены забароны.

Забарона жанчынам наведваць футбольныя матчы была уведзеная ў Іране неўзабаве пасля Ісламскай рэвалюцыі 1979 года. Улады і царква матывуюць гэта тым, што жанчынам нібыта можа пашкодзіць «мужчынская» атмасфера стадыёна - лаянка і выгляд паўапранутых мужчын.

Многія іранскія актывісткі ўжо доўгія гады змагаліся за адмену забароны.

Аднак праваабаронцы лічаць, што прычына забароны ў тым, што шмат хто ў Іране асцерагаўся таго, што атрымаўшы гэтыя элементарныя правы, жанчыны пачнуць патрабаваць іншых.

Сітуацыя змянілася пасля трагічнага самаспалення заўзятаркі Сахар Хадайяры.

У пачатку верасня яна была затрыманая пры спробе трапіць на стадыён у мужчынскай вопратцы. Баючыся турмы, яна падпаліла сябе ля будынку суда. Дзяўчына памерла ад апёкаў ў лякарні праз тыдзень.

Пасля гэтага выпадку ў футбольнай федэрацыі ФІФА ўзмацнілі ціск на Іран з мэтай дамагчыся поўнай адмены забароны.

NN.by

0
алекс / адказаць
11.10.2019 / 09:32
Смешныя гэтыя "шмат хто ў Іране" са сваімі асцярогамі. Канешне пачнуць. І пачнуць і працягнуць і перамогуць у рэшце рэшт! Чаго я асабіста ім і жадаю!))
0
Libertarian / адказаць
11.10.2019 / 12:02
Тэакратыі -- на сметніцу гісторыі!
0
Янн / адказаць
11.10.2019 / 12:28
“Улады і ЦАРКВА”? Мусульманская царква?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31