У Ваўкавыскім раёне мужчына скраў дзве пляшкі гарэлкі, а потым яшчэ дзве — і ўсё выпіў

Здарэнне адбылося ў Краснасельскім, паведамляе гродзенская абласная міліцыя.

35-гадовы мужчына ў мінулы аўторак зайшоў у краму і, асабліва не пераймаючыся, узяў з прылаўка дзве пляшкі гарэлкі і ўцёк. Усё бачыла прадавец, аднак спыніць зламысніка не змагла.

На наступны дзень гэты ж мужчына пайшоў у іншую краму на суседняй вуліцы. Дзейнічаў па аналагічнай схеме, узяў з прылаўка дзве бутэлькі і, нягледзячы на ​​абурэнне прадаўцоў, пакінуў гандлёвую залу з таварам, але без аплаты.

На яго бяду паўсюль былі відэакамеры, мужчыну знайшлі, у дачыненні да яго заведзена крымінальная справа па артыкуле «рабаванне». Але вось усё скрадзенае ён выпіў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0