Даслаць навіну
Знайсці
10.10.2019 / 14:04

Нобеля па літаратуры атрымалі Такарчук і Гандке — полька з украінскімі каранямі і аўстрыец са славенскімі

Нобелеўскую прэмію па літаратуры атрымалі польская пісьменніца Вольга Такарчук і аўстрыйскі пісьменнік славенскага паходжання Петэр Хандке.

Прычым Такарчук атрымала прэмію за 2018 год, а Гандке за 2019 год. Летась прэмія па літаратуры з-за сэкс-скандалу не ўручалася.

Павялічыць выяву

Фота з Вікіпедыі

Вольга Такарчук нарадзілася ў 1962 г. у сям'і выхадцаў з Украіны. Дэбютавала зборнікам вершаў. У 1993-м выйшаў яе першы раман «Шлях людзей кнігі».

Прэмія Такарчук прысуджаная з фармулёўкай «за апавядальнае ўяўленне, якое з энцыклапедычным запалам паказвае перасячэнне мяжы як форму жыцця». У 2018 годзе Такарчук стала першай пісьменніцай з Польшчы, якая атрымала міжнародную Букераўскую прэмію за раман «Бегуны». Яна таксама з'яўляецца лаўрэатам шэрагу іншых польскіх і міжнародных літаратурных прэмій.

Нобелеўская лаўрэатка Такарчук у інтэрв'ю «НН»: Пра што б ні пісаў пісьменнік, ён робіць палітычны выбар

Павялічыць выяву

Петэр Гандке — вядомы аўстрыйскі пісьменнік і драматург. Нарадзіўся ў 1942 г. Яго маці — карынційская славенка.

 Гандке раней падвяргаўся крытыцы за падтрымку рэжыму Слабадана Мілошавіча. У 2006 годзе Гандке выступіў на пахаванні былога лідэра Сербіі, пасля чаго была адменена інсцэніроўка п'есы пісьменніка «Гульня ў пытанні ці падарожжа ў звонкія зямлі» ў парыжскім тэатры Comédie-Française.

Згодна з рашэннем Шведскай акадэміі навук, Гандке атрымаў Нобелеўскую прэмію па літаратуры 2019 года «за ўплывовыя працы, якія з моўнай вынаходлівасцю даследавалі перыферыю і спецыфіку чалавечага вопыту».

У паведамленні Нобелеўскага камітэта адзначаецца, што, выпусціўшы за апошнія 50 гадоў мноства твораў розных жанраў, Хандке зарэкамендаваў сябе як адзін з самых уплывовых пісьменнікаў пасляваеннай Еўропы.

Перакладчыца Такарчук на беларускую мову: У 2010 яна імгненна адрэагавала на падзеі Плошчы

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31