Лукашэнка ляціць у Туркменістан на саміт лідараў СНД

Аляксандр Лукашэнка 10-11 кастрычніка наведае з рабочым візітам Туркменістан. Пра гэта БелТА паведамілі ў прэс-службе беларускага кіраўніка.

У Ашхабадзе ён возьме ўдзел у пасяджэнні Савета кіраўнікоў дзяржаў СНД. У парадак дня саміта ўваходзяць пытанні, якія тычацца развіцця ўзаемадзеяння ў інтэграцыйным аб'яднанні, уключаючы сферу стратэгічнага эканамічнага супрацоўніцтва, узаемадзеянне ў праваахоўнай і ваеннай галінах, барацьбу з тэрарызмам і экстрэмізмам.

На палях саміту Лукашэнка традыцыйна правядзе серыю перамоў са сваімі замежнымі калегамі па тэматыцы двухбаковага супрацоўніцтва.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0