Страляніна побач з сінагогай і кебабнай у Германіі: ёсць ахвяры
Па меншай меры два чалавекі загінулі пры нападзе з ужываннем агнястрэльнай зброі ў горадзе Гале ва Усходняй Германіі, піша bbc.com.
Паліцыя заявіла, што адзін з падазраваных у нападзе арыштаваны, але іншыя зламыснікі маглі ўцячы на машыне.
#BREAKING#Germany’s police arrested a suspect in #Halle: statement pic.twitter.com/bPWhNWagb9
Сведкі паведамілі, што адзін з нападнікаў быў у ваенным камуфляжы і меў пры сабе некалькі адзінак зброі.
Газета Bild паведамляе, што напад адбыўся каля сінагогі.
Лідар габрэйскай абшчыны ў Гале Макс Прывароцкі распавёў Der Spiegel, што зламыснік спрабаваў уварвацца ў сінагогу, калі там было «ад 70 да 80 чалавек».
Адзін сведка заявіў, што зламыснік, «апрануты як паліцэйскі … цалкам узброены», кінуў бензінавую бомбу альбо гранату на габрэйскія могілкі.
Напад адбыўся на габрэйскае рэлігійнае свята Ём Кіпур.
Іншы сведка паведаміў, што ў іншай частцы горада зламыснік адкрыў агонь па турэцкай закусачнай.
«Мужчына падышоў да закусачнай, кінуў нешта падобнае на гранаты, яна не выбухнула, і ён адкрыў агонь са штурмавой вінтоўкі. Мужчына за мной, напэўна, загінуў … Я схаваўся ў прыбіральні», - сказаў сведка нямецкаму тэлебачанню.
Паліцыя просіць жыхароў Гале і суседняга горада Ландсберг застацца ў сваіх дамах.