«Белкамунмаш» упершыню паказаў яшчэ адзін электробус для Еўропы — абсалютна новы E321 ФОТЫ
У Жытоміры, дзе на мінулым тыдні прайшоў Форум рэгіёнаў Беларусі і Украіны, холдынг «Белкамунмаш» паказаў абсалютна новы электробус мадэлі E321, які, нягледзячы на агульны індэкс, кардынальна адрозніваецца ад тых 32 электробусаў E321, якія былі пастаўлены ў Мінск да пачатку лета, піша abw.by
Адрозненні добра прыкметныя, калі абодва электробусы паставіць побач. Жоўты «мінскі» пабудаваны на базе кузава добра вядомага 321-га тралейбуса. Зялёны «еўрапейскі» (ствараўся з прыцэлам на экспарт у ЕС) атрымаў зусім новы кузаў, які, дарэчы, будзе выкарыстоўвацца і пры вытворчасці новага пакалення тралейбусаў «Белкамунмаш».
Даўжыня новага E321 такая ж — 12 м. Аднак кузаў зроблены палегчаным, дзякуючы чаму ў салоне атрымалася размясціць 30 месцаў для сядзення, а агульную пасажыраўмяшчальнасць давесці да 105 чалавек (у «мінскага» E321 - толькі 83 чалавекі).
Новы E321 таксама абсталяваны сістэмай ультрахуткай зарадкі і назапашвальнікамі энергіі на базе суперкандэсаратараў (час падзарадкі на прыпынках — да 8 хвілін, запас аўтаномнага ходу - 20 км). Але цяпер на заводзе ў Мінску ўжо ў працы знаходзіцца мадыфікацыя электробуса з так званай начной зарадкай - гэтая машына будзе абсталявана сістэмай літыевых батарэй і мець запас аўтаномнага ходу да 200 кіламетраў.
