Прыбіральшчыца вынесла $400 з клуба ў Гродне

У Гродне з начнога клуба прыбіральшчыца вынесла 400 даляраў, паведамляе міліцыя.

Як аказалася, у мясцовае аддзяленне міліцыі звярнуўся 32-гадовы мужчына, які паведаміў, што ў адным з начных клубаў горада ў яго скралі 400 даляраў. Ён таксама распавёў, што пакінуў грошы ў куртцы, якую здаў у гардэроб.

Праваахоўнікам удалося аператыўна высветліць, куды знікла валюта. Сведкам таго, што наведвальнік клуба паклаў 400 даляраў у кішэню курткі, стала прыбіральшчыца ўстановы. І, калі мужчына здаў вопратку, яна забрала купюры, але не паспела патраціць.

Жанчыну затрымалі. Завялі крымінальную справу па арт. 205 («Крадзеж») КК Беларусі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0