Знайсці
06.10.2019 / 10:27РусŁacБел

Джонсан адмовіўся пакідаць пасаду прэм'ера без звальнення каралевай Брытаніі

Прэм'ер-міністр Вялікабрытаніі Борыс Джонсан не сыдзе ў адстаўку, калі Брусэль адхіліць яго ўмовы выхаду краіны з Еўрапейскага саюза або калі парламент выкажа яго ўраду вотум недаверу. Ён пакіне сваю пасаду толькі ў выпадку, калі яго звольніць каралева Лізавета II, піша The Sunday Times са спасылкай на некалькі членаў урада.

Суразмоўцы газеты ў Кансерватыўнай партыі дадалі, што прэм'ер не падасць у адстаўку, нават калі будзе ўстаноўлена, што ён парушыў закон, які забараняе выхад са складу ЕС без пагаднення.

«Пакуль паліцыя не з'явіцца каля дзвярэй Даўнінг-стрыт, 10 з ордэрам на арышт прэм'ер-міністра, ён не сыдзе», - сказаў адзін з вышэйшых сяброў торы.

Крыніцы выдання кажуць, што парламентарыі нават абмяркоўвалі магчымасць прызначэння на пасаду прэм'ера спікера палаты абшчын Джона Беркоу, але ў канчатковым рахунку яны ўсумніліся ў яго здольнасцях заручыцца падтрымкай большасці.

The Sunday Times нагадвае, што ў апошні раз манарх Вялікабрытаніі звальняў кіраўніка ўрада ў 1834 годзе.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера