Трамп раскрытыкаваў «Радыё Свабода» і «Голас Амерыкі»
Прэзідэнт Злучаных Штатаў Дональд Трамп у чарговы раз раскрытыкаваў амерыканскія СМІ і прапанаваў стварыць уласную навінавую сетку Белага дома.
«CNN — гэта голас, які сапраўды чутны за межамі, і гэта жахліва для нашай краіны. І мы павінны запусціць сваю ўласную навінавую сетку і размяшчаць там сапраўдныя навіны… Мы павінны зрабіць з гэтым нешта. Наняць сапраўды таленавітых людзей і перадаваць у знешні свет сапраўдны голас, а не той, што нясе хлусню», — сказаў Трамп.
Акрамя таго, Трамп згадаў таксама рэдакцыі Радыё Свабода / Радыё Свабодная Еўропа і «Голас Амерыкі», якія фінансуюцца з бюджэту ЗША.
«У нас былі Радыё Свабодная… здаецца, Радыё Свабодная Еўропа і «Голас Амерыкі»… Мы стварылі іх, каб развіваць сваю краіну, і гэта не надта добра працуе», — сказаў прэзідэнт ЗША.