Знайсці
04.10.2019 / 14:581РусŁacБел

Асуджаны ў Беларусі шпіён Шаройка вярнуўся ва Украіну

УНІАН

Асуджаны ўкраінскі журналіст Павел Шаройка быў памілаваны ў Беларусі і ўжо вярнуўся ва Украіну. Пра гэта паведаміў прэзідэнт Украіны Уладзімір Зяленскі ў твітары.

«Яшчэ адзін ўкраінскі вязень, журналіст Павел Шаройка, асуджаны на 8 гадоў у Беларусі, быў памілаваны і ўжо знаходзіцца ва Украіне», — напісаў Зяленскі.

Як паведамляе УНІАН, напярэдадні міністр замежных спраў Украіны Вадзім Прыстайка агучыў станоўчыя навіны адносна Шаройкі.

Былы карэспандэнт УНІАН у Беларусі Шаройка быў затрыманы ў Мінску 25 кастрычніка 2017 года. Яго абвінавацілі ў шпіянажы і заявілі, што ён ёсць кадравым супрацоўнікам разведкі Украіны.

Галоўнае ўпраўленне разведкі Міністэрства абароны Украіны пацвердзіла, што Шаройка працаваў у гэтым ведамстве кіраўніком прэс-службы, але ў 2009 годзе быў звольнены па стане здароўя.

23 мая 2018 года стала вядома, што Вярхоўны суд Беларусі прысудзіў Шаройку да 8 гадоў пазбаўлення волі. 5 кастрычніка кіраўнік КДБ Беларусі Валерый Вакульчык паведаміў, што афіцыйны Мінск разглядае пытанне аб памілаванні Шаройкі. У студзені 2018 года яго перавялі з ізалятара КДБ Беларусі ў калонію ў Бабруйску.

26 верасня Аляксандр Лукашэнка выказаў гатоўнасць вырашыць пытанне аб памілаванні Шаройкі і абвінавачанага грамадзяніна Беларусі Юрыя Палітыкі ў найбліжэйшы час.

Сёння, 4 кастрычніка, стала вядома, што Навазаводскі раённы суд Чарнігава вызваліў з-пад варты Палітыку, якога падазраюць у шпіянажы.

Украіна вызваліла беларускага «шпіёна» Юрыя Палітыку за дзень да сустрэчы Лукашэнкі і Зяленскага

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера