У Акцябрскім раёне нецвярозы кіроўца спрабаваў даць хабар даішніку ВІДЭА

У Акцябрскім раёне нецвярозы кіроўца спрабаваў даць хабар супрацоўніку ДАІ, распачалі крымінальную справу.

Мінчук, што жыве ў вёсцы Рог Акцябрскага раёна, вечарам 2 кастрычніка ехаў да сяброў за рулём свайго Ford. Участковы інспектар міліцыі заўважыў, што мужчына, хутчэй за ўсё, быў п'яны. Пра свае падазрэнні праваахоўнік паведаміў па тэлефоне калегу з ДАІ, а сам паехаў следам за машынай.

Кіроўцу затрымалі каля дома знаёмых. У службовым кабінеце РАУС мінчук паспрабаваў даць хабар (20 рублёў), каб інспектар не прыцягнуў яго да адказнасці.

Завялі крымінальную справу па ч.1 арт.431 КК (даванне хабару). Медыцынскія аналізы паказалі, што кіроўца быў п'яны — 1,7 праміле.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0