Студэнты ЕГУ ў Вільні выйшлі на страйк
Сёння студэнты ЕГУ ў Вільні выйшлі на пратэст супраць дзеянняў адміністрацыі. Студэнты падрыхтавалі плакаты і канкрэтныя патрабаванні і стаялі насупраць уваходу ў будынак тады, калі адміністрацыя адкрывала новы навучальны год у самім будынку, паведамляе прэс-служба ўніверсітэта.
«Ва ўмовах падзення якасьці адукацыі мы лічым узмацненне жорсткасці фінансавых правілаў для студэнтак і студэнтаў неапраўданым, — піша студэнцкае прадстаўніцтва. — Рашэнне аб узмацненні жорсткасці фінансавых правілаў кіраўніцтва ЕГУ прыняла ў аднабаковым парадку без удзелу прадстаўнікоў студэнцтва. Студэнцкае самакіраваньне ў ЕГУ выключанае з працэсу прыняцьця важных рашэнняў».
Студэнты патрабуюць:
— скасаваць узмацненне жорсткасці фінансавых правілаў для студэнтак і студэнтаў;
— вярнуць беспадстаўна звольненых выкладчыц і выкладчыкаў;
— зрабіць кадравую палітыку ЕГУ празрыстай;
— вярнуць вырашальны голас студэнцкай і акадэмічнай супольнасьці ва ўсіх органах кіравання;
— зрабіць выбары ў Сенат ЕГУ адкрытымі і вярнуць яму паўнамоцтвы.
У адміністрацыі ЕГУ, у сваю чаргу, заяўлялі, што некаторыя патрабаванні не адпавядаюць рэчаіснасці
