Даслаць навіну
Знайсці
28.09.2019 / 17:39 1

3-6 кастрычніка адбудзецца вандроўка, прысвечаная 100-годдзю з дня смерці Івана Луцкевіча, у Закапанэ і Кракаў

3-6 кастрычніка Арт Вандроўня запрашае Вас далучыцца да вандроўкі «Іване, ты жывеш», прысвечанай 100-годдзю з дня смерці Івана Луцкевіча, у знакаміты польскі горны курорт Закапанэ і старажытную сталіцу Рэчы Паспалітай Кракаў.

Павялічыць выяву

Менавіта ў Закапанэ роўна стагоддзе таму ад сухотаў памёр Іван Луцкевіч (1881—1919) - вядомы беларускі грамадскі дзеяч, адзін з айцоў-заснавальнікаў Беларускай народнай Рэспублікі.

Таксама са знакамітым польскім курортам звязаны лёсы іншых беларусаў: паэткі Цёткі (Алаізы Пашкевіч), архітэктара Станіслава Шпакоўскага, кампазітара Мечыслава Карловіча.

Наведаем мы ваколіцы горада, дзе пазнаёмімся з цікавымі прыкладамі закапанскага стыля, прагуляемся па знакамітай вуліцы Крупоўка (Krupówka).

Пасля Закапанэ мы наведаем славуты паводле Міцкевіча «Славянскі Рым» — чароўны Кракаў. Горад да 1610 год быў сталіцай Рэчы Паспалітай. У Кракаве агляд старога горада, каралеўскага замка Вавеля, універсітэта і знакамітых Ракавіцкіх могілак.

На завяршэнне вандроўкі мы наведаем Люблін - прыгожы сярэднявечны горад, дзе захавалася шмат памятак мінуўшчыны, у тым ліку Люблінскі замак, Кракаўская брама (14—16 ст.), манастыр дамініканцаў (1630-50-я гг.), унікальная гарадская забудова. Наведаем Літоўскую плошчу, дзе ёсць помнік у гонар Люблінскай ўніі, бо менавіта ў гэтым годзе адзначаецца 450 год з дня яе заключэння.

Вандроўку будзе весці гісторык, музейшчык, экскурсавод Павал Каралёў.

Для ўдзелу ў вандроўцы неабходна зарэгістравацца ў гэтай гугл-форме.

Кошт вандроўкі з 3-ма начаваннямі ў 3-х зоркавых гатэлях са сняданкамі: 150 еўра і 30 бел. руб. Дадаткова аплачваюцца: абеды, вячэры, сняданак у першы дзень, квіткі ў музеі.

Візавая падтрымка: самастойна праз візавы цэнтр (магчыма, праз кансулят) па групавым запрашэнні з Польшчы. Для тых, хто не мае візы, рэгістрацыя да 30 жніўня!

Прыкладная праграма вандроўкі (можа нязначна мяняцца):

2 кастрычніка (серада).

19:00 Выезд з Менску да мяжы.

00:00 — 03:30 Пераход мяжы.

3 кастрычніка (чацвер). Пераезд у Закапанэ.

13:00 — Прыезд у Закапанэ.

13:30 — 16:00 Прыезд у Закапанэ. Засяленне, адпачынак, абед (за дадатковую плату).

16:30 — 19:00 Шпацыр-экскурсія па галоўнай вуліцы горада — нас чакае знакамітая Krupówka.

19:00 — 24:00 Вольны час.

4 кастрычніка (пятніца).

8:00 — 9:00 Сняданак. Высяленне з гатэлю.

9:30 — 13:00 Эскурсійная праграма ў ваколіцах Закапанэ. Знаёмства з адметным закапанскім стылем. Наведванне мясцовых могілак, дзе быў пахаваны Іван Луцкевіч.

Агляд сядзібы Яшчуруўка (Jaszczurówka), наведванне прыгожага храма ў вёсцы Араўка (Orawka).

13:00 — 15:00 Пераезд у Кракаў.

15:00 — 16:30 Засяленне ў гатэль, абед (за дадатковую плату).

17:00 — 19:00 Вечаровая экскурсія па цэнтры Кракава.

19:00 — 24:00 Вольны час.

5 кастрычніка (субота).

8:00 — 9:00 Сняданак.

9:30 — 13:00 Экскурсія на замак Вавель.

13:00 — 16:00 абед (за дадатковую плату), вольны час, па жаданні — экскурсія ў саляныя пячоры ў Вялічцы (за дадатковую плату пры наяўнасці групы ў 20 чалавек).

16:00 — 18:00 Наведванне мясцовых Ракавіцкіх могілак: магілы Алеся Гаруна, Эмерыка Чапскага, Адама Кіркора і іншых.

18:00 — 20:00 Сустрэча з беларускай супольнасцю Кракава.

20:00 — 24:00 — Вольны час.

6 кастрычніка (нядзеля).

8:00 — 9:00 Сняданак. Высяленне з гатэля.

9:00 — 13:00 Пераезд да Любліна.

13:00 — 15:00 Наведванне Любліна, экскурсія, прысвечаная 450-годдзю Люблінскай уніі.

15:00 — 17:00 Наведванне вялікай крамы для закупаў (абед за свой кошт).

17:00 — 19:00 Пераезд да мяжы.

19:00 — 22:30 Праход мяжы.

22:30 — 02:00 Вяртанне ў Мінск.

Уся папярэдняя інфармацыя па тэлефонах:

+375-44-5386283 і +375-25-5458430 (viber), а таксама праз е-майл bielkultura@gmail.com

0
Мах / адказаць
29.09.2019 / 02:27
Але магiлы у Закапаным няма ужо з 1991,калi Луцкевіч быу перапахаваны у Вiльнi...
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31