Казахстан не хоча, каб Беларусь займалася рээкспартам яго нафты
Казахстан мае намер падпісаць дагавор з Беларуссю аб пастаўках нафты і нафтапрадуктаў да канца 2019 года. Пра гэта паведаміў журналістам у пятніцу віцэ-міністр энергетыкі Казахстана Асет Магаўаў, паведамляе ТАСС.
«Агулам тэкст пагаднення, я думаю, узгоднены паміж двума галіновымі міністэрствамі і «Белнафтахімам». Засталіся два пытанні. Адно з іх датычыцца абавязацельстваў беларускага боку па тым, што не будзе рээкспарту. Ёсць пытанне, што нашы нафтапрадукты не павінны далей у трэція краіны сыходзіць або нафтапрадукты, выпрацаваныя з нашай нафты, павінны быць для ўнутранага спажывання», — растлумачыў віцэ-міністр.
Ён адзначыў, што другі момант, які цяпер узгадняюць — гэта час уступлення пагаднення ў сілу. «Улічваючы, што гэтыя два пытанні яшчэ не знятыя, я думаю, у кастрычніку мы не паспеем падпісаць [пагадненне], таму што дастаткова працяглыя працэдуры ўнутранага ўзгаднення», - удакладніў Магаўаў.
