Баец MMA памерла ў 32 гады
Фота з фэйсбука
Амерыканская баец змешанага стылю (MMA) Кэці Колінс памерла ва ўзросце 32 гадоў. Пра гэта паведамляе MMA Junkie.
Смерць Колінс стала следствам анеўрызмы галаўнога мозгу. Стан спартсменкі пагоршыўся 20 верасня, пасля чаго ў яе здарыўся інсульт і некалькі прыпадкаў. Амерыканкі не стала 25 верасня. Колінс выхоўвала двух дзяцей. Пра смерць байца паведаміў яе трэнер Джэй Ці Цілі.
«Я заўсёды ганарыўся табой, Кэці. Мы зрабілі гэта. Для мяне было гонарам дапамагаць табе жыць сваёй марай. Ні на што б не прамяняў гэтыя гады. Буду сумаваць па табе», — напісаў Цілі на сваёй старонцы ў Facebook.
Свой апошні паядынак Колінс правяла ў чэрвені 2018 года.
Усяго за кар'еру Колінс атрымала сем перамог і пацярпела пяць паразаў. Амерыканка выступала пад мянушкай «Чырвоны дракон».
