Даслаць навіну
Знайсці
25.09.2019 / 11:53 22

Дубавец: Перавоз Каліноўскага ў Беларусь дэсакралізуе ягоны подзвіг

Павялічыць выяву

Перапахаваньне парэштак Кастуся Каліноўскага ў Беларусі выглядае як чыстай вады ўкід, на які паддаліся паважаныя падпісанты. Яўна ня іхная гэта задума, піша ў сваім блогу на Радыё Свабода Сяргей Дубавец.

Па-першае, ні ў кога няма візіі гэтага перапахаваньня: дзе, кім, у якім «фармаце». Хто ў Менску хоча, хто ў Сьвіслачы, хто на могілках, хто на плошчы — перакананы, што спрэчка па кожным пункце расколе шаноўную грамаду, зьвядзе тэму нацыянальнага героя № 1 да мітусьні нашчадкаў вакол ягонага імя.

Па-другое, цяперашнія афіцыйныя канцэпты гісторыі не пакідаюць для Каліноўскага месца. Скасаваньне ордэна ягонага імя ў 2004-м, запісваньне яго ў палякі… Нават самае актуальнае пасланьне героя цяпер у Беларусі немагчыма працытаваць без купюр: «Толькі тады, народзе, зажывеш шчасьліва, калі над табой м…ля ўжо ня будзе».

Пахаваўшы Каліноўскага ў Беларусі (а без уладаў гэтага не адбудзецца), афіцыёз паспрабуе тым самым увогуле закрыць тэму нацыянальнага героя № 1.

Гэта будзе паўторнае пахаваньне «на тэрыторыі расейскага гарнізону», каб не дапусьціць паломніцтва да магілы, як тое ўпершыню адбылося ў 1864 годзе. Каліноўскага ўлады панічна баяцца, як Пуцін баіцца шамана. І ініцыятыва зь перапахаваньнем у Беларусі нагадвае выкраданьне з мэтаю зьнішчыць.

Па-трэцяе. «Сакральную сьмерць», пра якую кажа Зянон Пазьняк, Каліноўскі прыняў на Лукіскай плошчы ў Вільні — і гэта знакавае месца беларускай гісторыі. Пахавалі Каліноўскага ў братняй магіле на Замкавай гары ў Вільні — яшчэ адно знакавае месца. Доўгі час літоўцы сьцьвярджалі, што ніякага пахаваньня там няма. Але паўстанцы самі выйшлі з магілы. Гара абрынулася. І сёньня гэта знакавая падзея беларускай гісторыі.

Заплянавана перапахаваньне паўстанцаў на могілках Росы — яшчэ адным знакавым месцы, дзе спачываюць героі несавецкай беларускай гісторыі. Перавоз Каліноўскага ў Беларусь дэсакралізуе і ягоны подзьвіг, і ягонае імя, і ўсе гэтыя зьвязаныя зь ім месцы.

На маю думку, ня варта ў такой надзвычай датклівай і адначасова глыбокай тэме «грымець косткамі». Лепш бы шаноўныя падпісанты выказаліся за збліжэньне Беларусі з Эўразьвязам. Бліжэй было б і Каліноўскаму, і да Каліноўскага.

Дзеячы культуры звярнуліся да Літвы: Просім пахаваць Каліноўскага ў Беларусі

Касцёл: Мы б прадаставілі зямлю пад пахаванне Каліноўскага ў цэнтры Мінска ля аднаго з храмаў

Андрэй Дынько: Чаму я падпісаў зварот за перапахаванне Каліноўскага ў Беларусі. І некалькі інсайдаў

Сяргей Дубавец, Радыё Свабода

1
алесь менски / адказаць
25.09.2019 / 18:40
Жвір,плошчы Каліноўскага, пакуль няма. Шкада.
2
Жвір / адказаць
25.09.2019 / 19:53
алесь менски, а тралейбус Nr.1 дзе некалі канцавы прыпынак рабіў ? Няўжо я забыў ? 
1
алесь менски / адказаць
26.09.2019 / 09:47
надругаются.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31