Знайсці
23.09.2019 / 17:379РусŁacБел

У Латвіі ўрадавая кааліцыя дамовілася перавесці ўсю адукацыю на латышскую мову

F64

Партыі ўрадавай кааліцыі дамовіліся аб поўным пераводзе адукацыі на латышскую мову. Аднак тэрміны рэалізацыі гэтай ідэі пакуль не вызначаны, таму адпаведны план павінна будзе распрацаваць Міністэрства адукацыі, піша Delfi.

Па словах генеральнага сакратара Нацблока Райвіса Зэлцітса, гэта пагадненне было дасягнута падчас абмеркавання прапановы партыі ўвесці навучанне на латышскай ва ўсіх дзіцячых садках па запыце бацькоў, незалежна ад таго, ці з'яўляецца дзіцячы сад латышскім ці рускім.

Што тычыцца астатніх этапаў навучання, то пакуль гэта на ўзроўні ідэі. Пакуль вядома толькі тое, што Міністэрству адукацыі дадуць заданне падрыхтаваць прапановы, як паступова да гэтага перайсці.

Старшыня Нацыянальнага аб'яднання Райвіс Дзінтарс лічыць гэта пагадненне гістарычным: «Гэта пакуль толькі пагадненне, але вельмі важнае, я б нават сказаў, гістарычнае пагадненне. Гэта першы раз, калі ўсе ўрадавыя партыі далі зялёнае святло на поўны перавод навучання на дзяржаўную мову».

Ідэю пераводу ўсёй адукацыі на латышскую мову падтрымлівае і прэм'ер-міністр Латвіі Крыш'яніс Карыньш. Ён агенцтву LETA сказаў, што ў Латвіі адна дзяржаўная мова, а значыць, адукацыя, якую аплачваюць падаткаплацельшчыкі, павінна быць на дзяржаўнай мове.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера