Даслаць навіну
Знайсці
23.09.2019 / 16:51 6

Ва Украіне ветэрынар з Гомеля забіў сяброўку, разабраў цела і выкінуў у канал

Дняпроўскі раённы суд Кіева задаволіў хадайніцтва следства аб правядзенні стацыянарнай камісійнай комплекснай судовай псіхолага-псіхіятрычнай экспертызы ў дачыненні да ўраджэнца Гомеля, які працаваў у сталіцы Украіны ветэрынарам. Мужчына падазраецца ў забойстве 35-гадовай кіяўлянкі, паведамляюць Моцныя навіны.

Павялічыць выяву

Фота: Нацыянальная паліцыя Украіны

У сярэдзіне жніўня ў Русанаўскім канале ў Кіеве і іншых месцах былі выяўленыя чорныя поліэтыленавыя пакеты з чалавечымі парэшткамі. У выніку аператыўна-вышуковых мерапрыемстваў асоба ахвяры была высветленая, а па падазрэнні ў здзяйсненні забойства быў затрыманы знаёмы жанчыны. Ім аказаўся 38-гадовы халасцяк, ураджэнец Гомеля, які мае грамадзянства Украіны, да затрымання ён працаваў ветэрынарным лекарам 1 катэгорыі ў Кіеўскай гарадской бальніцы ветэрынарнай медыцыны.

Павялічыць выяву

«Моцным навінам» сталі вядомыя падрабязнасці гэтага жудаснага злачынства.

Па звестках следства, мужчына запрасіў да сябе дадому знаёмую з мэтай «адпачынку і прыёму алкагольных напояў». Позняй ноччу, калі пара знаходзілася ў спальні, паміж імі ўзнікла сварка. Ветэрынар падышоў да шафы, узяў нож і ўдарыў у правае вока жанчыны. Ахвяра страціла прытомнасць і ўпала на канапу. Затым, як паведамляецца ў матэрыялах справы, ураджэнец Гомеля, «усведамляючы характар ​​сваіх супрацьпраўных дзеянняў і факт забойства, вырашыў знішчыць сляды злачынства, у сувязі з чым аднёс цела ў ванны пакой, дзе ў далейшым, выкарыстоўваючы кухонны нож, сякеру і нажоўку па метале па чарзе аддзяліў часткі цела ахвяры». Потым забойца склаў парэшткі ў мяшкі і ў некалькі прыёмаў вынес іх з кватэры.

Адразу пасля затрымання мужчыны следства звярнулася ў суд з хадайніцтвам аб ужыванні да яго меры стрымання ў выглядзе ўтрымання пад вартай. Адвакат і падазраваны пярэчылі і прасілі абмежавацца хатнім арыштам. Абаронца заявіў, што яго кліент не памятае абставінаў здзейсненага злачынства, а памятае толькі рассячэнне цела. Ён не выключаў, што забіў хтосьці іншы. Ветэрынар сваю віну прызнаў, але заўважыў, што не памятае цалкам абставінаў здзяйснення злачынства, паколькі быў у стане алкагольнага ап'янення, і хавацца ад следства не будзе.

Суд вырашыў арыштаваць падазраванага на 60 сутак. У ходзе следства было прынята рашэнне праверыць ветэрынара на наяўнасць свядомасці. Псіхіятарам трэба будзе адказаць на два дзясяткі пытанняў. Ад іх залежыць далейшы лёс мужчыны. Пакуль жа яму пагражае пакаранне ў выглядзе пазбаўлення волі на тэрмін ад 7 да 15 гадоў.

Моцныя навіны

0
ИП Шамякин, УНП xx5764xxx / адказаць
23.09.2019 / 22:38
Россию "освоили" , теперь Украину "осваивать" начинаем? А может, лучше головой об стенку - и все нормальные люди живы-здоровы? Попривыкали в своих ляховичах... Впрочем, заодно посмотрим на опыт уже украинских психиатров - что они предложат...
0
Надзя / адказаць
23.09.2019 / 23:19
Пуля яму патрэбна. Нелюдзь
0
Сямён / адказаць
24.09.2019 / 09:21
Надзя, сама бы исполнила?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31