Дактары спынілі лячэнне Анастасіі Заваратнюк
Пра гэта тэлеканалу НТВ распавяла пацыентка прыватнай маскоўскай клінікі, дзе зараз знаходзіцца актрыса, піша lenta.ru.
Паводле яе слоў, Заваратнюк з 16 верасня «ляжыць проста, падтрымліваюць штучнае дыханне, працу сэрца».
Жанчына пацвердзіла, што Анастасію сапраўды шпіталізавалі 13 верасня з дыягназам «гліябластома» ў апошняй стадыі. 14 верасня актрысу часткова паралізавала, 15 верасня яе падключылі да апарата штучнай вентыляцыі лёгкіх.
Афіцыйнага пацверджання гэтай інфармацыі няма. Пры гэтым 19 верасня паведамлялася, што дактары вызначыліся з курсам лячэння актрысы. Ёй праводзяць антыбактэрыйную тэрапію і тэрапію, накіраваную на карэкцыю ацёку мозгу.
21 верасня стала вядома, што актрыса перанесла другую аперацыю, пасля якой з'явілася надзея на яе выздараўленне.
Рак мозгу ў Анастасіі Заваратнюк выявілі зімой пасля таго, як у яе пачаліся моцныя галаўныя болі. У красавіку Заваратнюк перанесла сур'ёзнае хірургічнае ўмяшальніцтва — трэпанацыю чэрапа — падчас лячэння ў Германіі.
