Знайсці
23.09.2019 / 09:358РусŁacБел

Стала вядома, як пакаралі студэнта з Конга, які адкусіў кавалак падбародка жыхару Наваполацка

У дачыненні да грамадзяніна Дэмакратычнай Рэспублікі Конга, які з'яўляўся замежным студэнтам Полацкага дзяржаўнага ўніверсітэта, ўжытая працэдура высылкі з Беларусі ў інтарэсах грамадскага парадку. Дэпартацыя ажыццёўлена з 9 па 12 верасня 2019 года, паведамілі ў Аддзяленні грамадзянства і міграцыі Наваполацкага ГАУС, піша Новополоцк сегодня.

Здарэнне адбылося ў пачатку ліпеня каля мясцовага начнога клуба.

Як паведаміла віцебская міліцыя, двое замежных студэнтаў падрыхтоўчага аддзялення ВНУ праводзілі вечар у кампаніі знаёмай. У нейкі момант паміж адным з хлопцаў і дзяўчынай паўстаў канфлікт. Яго сведкам стаў выпадковы чалавек, які заступіўся за суайчынніцу. У ходзе бойкі паміж мужчынамі ураджэнец Дэмакратычнай Рэспублікі Конга укусіў апанента. Пасля афрыканцы і іх знаёмая паспяшаліся збегчы. Для гэтага яны выклікалі таксі. Аднак кіроўца адмовіўся везці кампанію. Тады дзяўчына ўзялася граміць аўтамабіль.

Пацярпелага, якому студэнт з Конга адкусіў кавалак падбародка, шпіталізавалі, зрабілі аперацыю.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера