МЗС Беларусі: Мы з ЗША хочам хутчэйшага вяртання паслоў
Палітычнае рашэнне вярнуць паслоў ЗША і Беларусі ў сталіцы адзін аднаго «дазваляе запусціць працэдуру падбору і ўзгаднення кандыдатур у абедзвюх сталіцах», заявіў прэс-сакратар МЗС Беларусі Анатоль Глаз на брыфінгу, піша Tut.by
Паводле яго слоў, гэтыя працэдуры зоймуць пэўны час.
— Таму заявы, якія былі зробленыя, не азначаюць, што паслы ужо прызначаныя і заўтра прыступяць да працы. Наконт часавых рамак, іх цяпер складана прадбачыць. Прызначэнне паслоў — суверэннае права кожнай краіны, і я не ўпэўнены, што для гэтага спатрэбіцца правядзенне нейкіх кансультацый або дадатковых сустрэч.
Паводле ацэнак Беларусі, для «раскрыцця ўсяго патэнцыялу двухбаковых адносін мэтазгодна больш хуткае вяртанне паслоў», адзначыў прэс-сакратар МЗС.
— Пры гэтым мы разумеем, што ў сілу сітуацыі ў ЗША, працэдура прызначэння займае пэўны час. Разам з тым, важна разумець, што палітычная воля на гэта ёсць, і зараз пытанне знаходзіцца ў тэхнічнай плоскасці. Глаз дадаў, што ў Беларусі гэтыя працэдуры звычайна праходзяць хутчэй, чым у ЗША.
Нагадаем, у Беларусі з 2008 года няма пасла Злучаных Штатаў. Яго месца займае часовы павераны ў справах ЗША.
