Карткі некаторых банкаў 21 верасня могуць часова не працаваць
Карткі некаторых банкаў могуць працаваць з кароткачасовымі перапынкамі ў ноч з 20 на 21 верасня - з 2.00 да 5.00. У той прамежак часу Банкаўскі працэсінгавы цэнтр будзе праводзіць тэхналагічныя работы на сваім сеткавым абсталяванні, піша tut.by.
У гэты прамежак часу магчымыя перапынкі ў абслугоўванні трымальнікаў картак банкаў, якія карыстаюцца паслугамі Банкаўскага працэсінгавага цэнтра. Кароткачасовыя перапынкі таксама магчымыя ў сетцы арганізацый гандлю (сэрвісу), пунктаў выдачы наяўных, банкаматаў.
Банкаўскі працэсінгавы цэнтр аказвае паслугі па інфармацыйна-тэхналагічным забеспячэнні разлікаў з выкарыстаннем банкаўскіх картак наступным банкам: Беларусбанк, Белаграпрамбанк, БПС-Сбербанк, БСБ Банк, Парытэтбанк, Белінвестбанк, БНБ-Банк, Банк Рашэнне, Франсабанк, Цэптэрбанк, БТА Банк.
