Знайсці
20.09.2019 / 07:287РусŁacБел

Даўгабуд каля цырка ў Мінску скончаць у 2022, і там не будзе гатэля

Тэрмін рэалізацыі інвестпраекта па будаўніцтве ў Мінску комплексу каля Белдзяржцырка перанесены на 2022 год. Гэта прадугледжана ўказам кіраўніка дзяржавы ад 18 верасня №346, паведамляе БелТА.

Калі раней па ўказе будаўніцтва шматфункцыянальнага комплексу ў Мінску ў квартале праспект Незалежнасці — вуліца Янкі Купалы — рака Свіслач планавалася з гасцініцай, то цяпер гэта пазіцыя выключана.

У чэрвені 2018 года стала вядома, што будынак ля Белдзяржцырка ў Мінску, які першапачаткова планаваўся як гасцініца, будзе перапрафіляваны ў офісны цэнтр. Паведамлялася, што цэнтральны будынак будзе выкарыстаны «Сбербанкам» пад пераезд беларускага «БПС-Сбербанка». Рэшту месца планавалася задзейнічаць пад офісы, крамы, кавярні і рэстараны.

Раней кіраўнік расійскага «Сбербанка» Герман Грэф у эфіры тэлеканала СТВ заяўляў, што будынак ля Белдзяржцырка на беразе Свіслачы плануюць дабудаваць у 2020 годзе. Падрадчык абраны — гэта адна з будаўнічых кампаній групы «Сафмар» мільярдэра Міхаіла Гуцэрыева.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031