Даслаць навіну
Знайсці
19.09.2019 / 14:57 1

Беларусы Чыкага ўзялі ўдзел у «Святкаванні культур — 2019»

14 верасня ў адным з Чыкагскіх прыгарадаў — Маўнт Проспект (Mount Prospect) — мэрыя горада ініцыявала, арганізавала і правяла мерапрыемства па азнаямленні з этнічнымі каранямі жыхароў прыгарада — Celebration of Cultures 2019 (Святкаванне культур 2019).

Былі прадстаўнікі ад Францыі, Нямеччыны, Польшчы, Індыі, Італіі, Карэі, Коста Рыкі і інш. Быў на мерапрыемстве стол і ад Беларусі, што падрыхтавала Беларуская Грамада ў Чыкага. Беларускі намёт апынуўся паміж Нарвегіяй і Румыніяй.

Прыемна зазначыць, што беларускі намёт быў сярод тых, да якога ўвесь час падыходзілі і падыходзілі людзі. Шмат было такіх наведвальнікаў, каму спачатку трэба было паказаць карту Еўропы. А былі і такія, што нават і сталіцу Беларусі ведаюць.

Падыходзілі і сем’ямі: пакуль дзіцяці гуляе з беларускімі лялькамі, маці расказваюць пра гатоўку бульбы з грыбамі, а бацька ўважліва разглядае фотаздымкі беларускага зубра — еўрапейскага брата паўночнамарыканскага бізона. Хтосьці самааддана займаўся выцінанкай, а хтосьці — спрабаваў вымавіць «Прывітанне!», «Цудоўны дзень!» і «Жыве Беларусь!»

Цягам дня можна было паспытаць традыцыйныя стравы ад нямецкай, мексіканскай, італьянскай, польскай кухні; паглядзець на нацыянальныя карэйскія, егіпецкія, балгарскія, польскія, індыйскія танцы; паслухаць гавайскую ўкулеле і лацінскі джаз.

На культурным мерапрыемстве была і мясцовая паліцыя, што сачыла за парадкам. Палісмэны віталі наведвальнікаў і жадалі ім добрага настрою. У кожнага паліцэйскага быў адкрыты твар, на форме быў бэйджык з імем, прозвішчам і асабістым службовым нумарам. Калі дзеці прасілі бацькоў зрабіць фотаздымак з паліціяй, дык паліцэйскія з задавальненнем падтрымвалі просьбу малых.

Задаволенымі засталіся і арганізатары з валанцёрамі, і наведвальнікі свята. Удзельнікі суполкі Беларуская Грамада ў Чыкага атрымалі асабістыя падзякі ад наведвальнікаў фестывалю ў форме шматлікіх кампліментаў, што намёт ад Беларусі атрымаўся адным з самых цікавых і маляўнічых. Усё атрымалася, значыць, беларусы Чыкага будуць і на Святкаванні культур 2020. 

 

NN.by

10
a.hto.tam.idze / адказаць
19.09.2019 / 17:21
Незалік. Бракуе фатаграфіі абасранай каровы, як галоўнага сымбаля сучаснай беларускай рэчаіснасці.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31