Знайсці
19.09.2019 / 09:2022РусŁacБел

Мукавозчык узяўся за гісторыю Беларусі — і адразу паблытаў Канстанціна Астрожскага з яго сынам

Аглядальнік «Савецкай Беларусі» Андрэй Мукавозчык, вядомы сваімі адыёзнымі калонкамі, напісаў чарговую. Тэмай гэтым разам стала дыскусія вакол спадчыны Вялікага Княства Літоўскага.

У духу дзяржпрапаганды ўзору канца 1990-х — пачатку 2000-х, выкарыстоўваючы беларускую мову для здзеку, ён громіць «свядомых», называючы святкаванне гадавіны бітвы пад Оршай «істэрыяй».

Тым часам каментатар «СБ» настолькі разбіраецца ў гісторыі, што блытае князя Канстанціна Астрожскага з яго сынам.

Аналізуючы той факт, што аб'яднаная польска-літоўска-украінская брыгада НАТА носіць імя Астрожскага, ён піша: «І нічога, што надмагільнай эпітафіяй Канстанціну Іванавічу было выбіта «Рускаму Сцыпіёну». Напляваць, што князь, быў час, займаў пасаду, калі на нашы словы, камандуючага пагранвойскамі Русі. І забыцца, што Астрожскі прафінансаваў першае выданне Бібліі на царкоўнаславянскай мове, зробленае першадрукаром Іванам Фёдаравым - «сынам з Масквы», — піша прапагандыст.

На момант выдання «Астрожскай Бібліі» Івана Фёдарава князь Канстанцін Іванавіч ужо 50 год як не жыў. А друкару, які ўцёк з Масквы ў ВКЛ, дапамагаў яго сын, Васіль-Канстанцін Астрожскі.

Па ўсім бачна, што Мукавозчыка, які ўзяўся за беларускае мінулае, чакае яшчэ многа адкрыццяў. Напрыклад, што ў апісаныя ім часы «Руссю» называлася не сучасная Расійская Федэрацыя.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера