У Венецыі 76-гадовы гоншчык на маторнай лодцы ўсталяваў сусветны рэкорд і загінуў
Італьянскі чэмпіён па гонках на маторных лодках Фабіа Буцы і яшчэ два гоншчыкі загінулі ў Венецыі падчас спробы ўсталяваць новы рэкорд. Пра гэта паведамляе Бі-бі-сі. Буцы было 76 гадоў.
На борце лодкі знаходзіліся чатыры чалавекі, аднаму з іх удалося выжыць. Інцыдэнт адбыўся ў Венецыі, дзе гоншчыкі спрабавалі ўсталяваць новы хуткасны рэкорд па водных гонках. Маторная лодка на хуткасці 148 км/г урэзалася ў штучную плаціну, якая служыць для абароны Венецыі ад паводкі.
Як паведамляе выданне IL Gazzettino, перад крушэннем гоншчыкам ўсё-такі ўдалося паставіць сусветны рэкорд: яны пераадолелі шлях ад Монтэ-Карла да Венецыі за 18 гадзін 30 хвілін.
Фабіа Буцы — італьянскі канструктар маторных катараў і гоншчык.
Ён выйграў 10 чэмпіянатаў свету з тых часоў, як пачаў сваю гоначную кар'еру больш за 40 гадоў таму.
