У Маскве з СІЗА адпусцілі актывіста, які кінуў у паліцэйскага бутэльку, але прамахнуўся. Ён пяць тыдняў правёў за кратамі

Mash

Суд у Маскве вызваліў з-пад арышту актывіста Айнара Губайдуліна. Пра гэта ў сераду паведамляюць расійскія СМІ.

Губайдулін, які браў удзел у летніх няўзгодненых акцыях, вызвалены пад падпіску аб нявыездзе. Ён знаходзіўся пад вартай з 9 жніўня. Крымінальная справа ў дачыненні да яго вернута ў пракуратуру.

Губайдуліна затрымалі па падазрэнні ў замаху на гвалт у дачыненні да прадстаўніка ўлады. Падчас пратэстнай акцыі 27 ліпеня ў Маскве ён кінуў у бок сілавікоў пустую пластыкавую бутэльку, але прамахнуўся.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0