Даслаць навіну
Знайсці
17.09.2019 / 16:53 16

ЗША і Беларусь вяртаюць паслоў пасля дзесяцігадовага перапынку

Павялічыць выяву

ЗША і Беларусь прынялі рашэнне пра аднаўленне дыппрадстаўніцтва на ўзроўні паслоў, паведамляе БелТА

Пра гэта сёння заявіў намеснік дзяржаўнага сакратара ЗША па палітычных пытаннях Дэвід Хэйл на сустрэчы з Аляксандрам Лукашэнкам.

«Я хацеў бы перадаць прывітанне ад дзяржсакратара, які папрасіў мяне прыехаць, каб прысутнічаць на важным гістарычным моманце нашых двухбаковых адносін. Пасля нашай сустрэчы мы зробім абвестку, што будзем абменьвацца пасламі па заканчэнні такой колькасці гадоў без паслоў», — сказаў Дэвід Хэйл.

«Мы згодныя з вамі, што тое становішча рэчаў ненатуральна, ненармальна. І мы рады, што гэта глава заканчаецца. Мы закрываем гэту главу з прычыны тых крокаў, якія ваша краіна і вы асабіста зрабілі. Таксама адзначаем то бачанне, якія вы прынялі на ўзбраенне — большай разнастайнасці як ва ўнутраных справах, так і ў адносінах з навакольным светам. Мы вельмі моцна падтрымліваем гэта бачанне і зробім усё магчымае, каб дапамагчы вам на гэтым шляху», — падкрэсліў намеснік дзяржсакратара ЗША.

Ён адзначыў, што ЗША гэта робяць не з мэтай спаборніцтва з нейкай іншай краінай, а толькі ў мэтах таго, каб патэнцыял двухбаковых адносін быў рэалізаваны ў поўнай меры.

«А таксама таму, што нам вельмі дарагі гэты рэгіён і мы вельмі ўважліва ставімся да пагроз бяспекі. Таксама таму, што мы вельмі моцна падтрымліваем суверэнітэт і незалежнасць Беларусі», - дадаў Дэвід Хэйл

***

Нагадаем, у сакавіку 2008 года, пасля ўвядзення ЗША санкцый у дачыненні да канцэрна «Белнафтахім», пасол Беларусі Міхаіл Хвастоў быў адкліканы з Вашынгтона для кансультацый, а Мінск па патрабаванні беларускага боку пакінула пасол Карэн Сцюарт. Колькасць амерыканскіх дыпламатаў у Мінску было скарочана з 35 да пяці супрацоўнікаў. А дыпламатычныя місіі працавалі на ўзроўні часовых павераных

У 2014 годзе беларускі бок дазволіў павялічыць штат амбасады ЗША з пяці да шасці чалавек, і неўзабаве пасля гэтага амерыканскае дыппрадстаўніцтва пашырыла спіс візавых паслуг для грамадзян Беларусі.

З 2018 года візы сталі выдавацца ў Мінску ўсім ахвотным, але тады рашэнне пра вяртанне паслоў не было прынятае.

Заставачнае фота Joseph Sohm, Shutterstock.com

5
Inav / адказаць
17.09.2019 / 20:07
Трэба рухацца далей у гэтым кірунку. Ствараць саюзнае гасударства з амерыканцамі, таможанны саюз ну і далей. Дарожная карта ж ёсць, рука набіта.
0
не для комментария,а для редакции. / адказаць
18.09.2019 / 09:21
Inav,мечты,мечты... 
0
mikola ramanau / адказаць
19.09.2019 / 12:35
Ja pamjataiu *tyja czasy*..........USA ambasadu zaczynili..........Pasly paehali da Domu.............10 god praislo ?...Usio bez zmenau ?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31