Даслаць навіну
Знайсці
16.09.2019 / 17:04 1

У парку Горкага з кабінкі кола агляду выпалі дзверцы. Унутры былі людзі

Павялічыць выяву

У парку Горкага ў Мінску з кола агляду выпалі дзверцы адной з закрытых кабінак. Атракцыён працаваў, усярэдзіне былі людзі. Кіраўніцтва парку пацвердзіла TUT.BY інцыдэнт, які адбыўся 15 верасня.

У рэдакцыю звярнулася Наталля. Вечарам у нядзелю 15 верасня яна гуляла па парку, у адно імгненне за 50—100 метраў ад яе прызямліліся дзверцы кабінкі кола агляду.

— Калі дзверы ўпалі, работнікі парку аператыўна ўсё прыбралі. Пацярпелых не было, але было відаць, што ў кабінцы знаходзіліся людзі.

Павялічыць выяву

Тая самая кабінка трэцяя зверху

Версіі таго, чаму дзверы вылецелі, у работнікаў парку крыху разыходзяцца. Адны кажуць, з-за патоку людзей дзверы як след не зачынілі звонку — толькі знутры іх прыкрылі самі наведвальнікі. Іншыя кажуць, што пры запуску атракцыёна ніхто не правярае спраўнасць менавіта запорнай прылады, у якой ёсць свой тэрмін зносу. Магчыма, нешта пайшло не так і ад ветру дзверы сарвала з завесаў.

Начальнік упраўлення «Гарадскія паркі» УП «Мінскзяленбуд» Андрэй Жыхараў кажа, што інцыдэнт быў, дзверы кабінкі не закрылі.

— Адбылося грубае парушэнне інструкцыі дзяжурнымі атракцыёнаў, іх дысцыплінарна пакараюць. Нічога страшнага не адбылося — экстрана адрэагавалі, спынілі атракцыён, уключылі рэверс, вярнулі назад. Наведвальнікі, якія сядзелі ў гэтай кабінцы напісалі, што прэтэнзій да нас не маюць. Гэта чалавечы фактар, — патлумачыў А. Жыхараў.

NN.by

0
Вожык / адказаць
16.09.2019 / 17:32
Да, ничего страшного. Особенно, если бы упали на голову людям. Все хорошо, прекрасная Маркиза
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31