Кім Чэн Ын запрасіў Трампа ў Пхеньян
Кіраўнік КНДР запрасіў прэзідэнта ЗША наведаць Пхеньян. Пра гэта паведамляе ў панядзелак паўднёвакарэйская газета JoongAng Ilbo, абапіраючыся на дадзеныя некалькіх крыніц, піша tass.ru.
Паводле выдання, запрашэнне ўтрымліваецца ў лісце, перададзеным амерыканскаму лідару ў жніўні.
У пасланні Кім Чэн Ын прапанаваў свайму амерыканскаму візаві правесці трэці раўнд перамоваў на вышэйшым узроўні, пры гэтым незразумела, ці адказаў Трамп на гэты ліст.
Працоўныя перамовы паміж ЗША і КНДР па праблеме дэнуклеарызацыі буксуюць з лютага гэтага года пасля безвыніковага завяршэння Ханойскага саміту Трампа і Кім Чэн Ына. Нягледзячы на тое, што два лідары пасля сустрэліся ў чэрвені і дамовіліся аб перазапуску дыялогу, гэтага пакуль не адбылося.
На тым тыдні КНДР апублікавала заяву намесніка міністра замежных спраў Цой Сон Хі, якая падкрэсліла, што паўночнакарэйскія дыпламаты гатовыя сустрэцца з прадстаўнікамі ЗША, але амерыканскаму боку неабходна змяніць свой падыход на перамовах і прапанаваць Пхеньяну «альтэрнатывы, заснаваныя на прымальных разліках».
