Даслаць навіну
Знайсці
13.09.2019 / 20:32 8

«Ваня стукнуў Улада па шыі. Той упаў — і ўсё». Як у вясковай школе загінуў падлетак

Павялічыць выяву

15-гадовы Улад вучыўся ў 9 клясе школы ў вёсцы Мікалаеўка Буда-Кашалёўскага раёну. 12 верасьня ён памёр на перапынку. Паводле Сьледчага камітэту, «школьніку стала блага, ён самлеў». Аднак школьнікі кажуць, што Ўлада стукнуў аднаклясьнік, піша Радыё Свабода.

Цяпер з прычынамі трагедыі разьбіраюцца сьледчыя. У сямʼі было шасьцёра дзяцей. Малодшыя — браты-блізьнюкі Ўлад і Сяргей вучыліся ў 9 клясе.

Маці хлопчыкаў ня можа пакуль размаўляць — сямʼя якраз чакае труну з сынам. Заўтра адбудзецца пахаваньне.

Трагедыя адбылася на вачах Сяргея — брата Улада.

Ён кажа, што брат ішоў у школу «як звычайна», быў вясёлым.

«Пасьля трэцяга ўрока, расейскай мовы, мы былі ў сталоўцы. Потым пайшлі на вуліцу ў прыбіральню. Аднаклясьнікі — ня Ўлад, кпілі з Рамана. Улад нічога не рабіў. Потым выйшлі з прыбіральні, Іван кажа на Ўлада: «Хадзі сюды!» Той пабег уцякаць, Рома паставіў яму падножку, Улад упаў. Раман стаў яго падымаць і ўдарыў па шыі. Улад сагнуўся, потым упаў, яму зрабілася блага. Паклікалі настаўнікаў, потым выклікалі «хуткую»», — распавёў Сяргей.

Мэдыкі не пасьпелі ўратаваць хлопца — ён памёр у «хуткай».

Потым настаўнікі сабралі дзяцей на «лінейку». Падчас лінейкі стала вядома, што Ўлада ня стала.

Паводле слоў Сяргея, вечарам 12 верасьня да іх прыходзілі бацькі Івана і ягоны брат — прасілі прабачэньня. Школьнік кажа, што Івана затрымалі, ён у міліцыі.

У Сьледчым камітэце пакуль ня дзеляцца абставінамі трагедыі, не пацьвярджаюць і не зьняпраўджваюць інфармацыю пра затрыманьне школьніка.

Радыё Свабода

4
Василиса / адказаць
14.09.2019 / 11:49
50 метраў ад Уніі Эўропэйскей, я не русафил , але пры чым тут расейская мова? Падобна , што 50 метрау да звиху на глебе русафобства.Там гора невыказальнае, а табе абы ляпнуць.
3
Inger / адказаць
14.09.2019 / 13:25
Heta nieszczas'livy vypadak! Bo:
1) z dziacin'stva pamiataju, jak chlopcy svarylisia i havaryli nieszta jak toje "zaraz jak dam pa szyi", abo "paluczysz/atrymajesz pa szyi";
2) jos'c' niejkija punkty tam (i nie tol'ki) udaryúszy pa jakich mahczyma abezúladnic' abo i zabic' czalavieka, u specnazach i t.p. heta vyvuczajuc'.
A tutaka zbiehlasia...
0
Котіс / адказаць
14.09.2019 / 20:31
Забойства па неасцярожнасці?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31