У Бабруйску мужчына напаў на 12-гадовага хлопчыка. Той адмовіўся скрасці ў краме для яго прадукты

Здарэнне адбылося вечарам 10 верасня каля крамы на вуліцы Мінскай, паведамляе Камерцыйны кур'ер.

Да школьнікаў падышоў п'яны мужчына і папрасіў непрыкметна вынесці што-небудзь з крамы, а затым перадаць яму. Замест гэтага хлопчыкі падышлі да касіра і расказалі ёй пра незвычайную просьбу незнаёмца.

Убачыўшы, як дзеці размаўляюць з касірам, мужчына падышоў да іх, ударыў аднаго з хлопчыкаў — 12-гадовага школьніка — кулаком у грудзі, а затым схапіў за шыю.

Касір паспела націснуць трывожную кнопку. Нарад Дэпартамента аховы затрымаў мужчыну і даставіў у аддзяленне міліцыі.

У дачыненні да мужчыны распачата крымінальная справа па ч.1 артыкула 339 КК. Ён раней быў не судзімы, працуе рабочым на адным з прадпрыемстваў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0