У Хойніцкім раёне гарэлі «чарнобыльскія» лясы. Ці варта баяцца радыяцыі?
12 верасня адбыўся лясны пажар на тэрыторыі Палескага радыяцыйна-экалагічнага запаведніка ў Хойніцкім раёне Гомельскай вобласці.
Фота — МНС
«Удзень 12 верасня ў 13:34 ў службу выратавання паступіла паведамленне аб выяўленні ляснога пажару каля вёскі Ломыш Хойніцкага раёна, — паведамілі ў МНС. —
Для ліквідацыі пажару задзейнічаны 53 адзінкі тэхнікі і 283 чалавекі. Верталёты правялі 10 скідванняў вады».
Па стане на 6 гадзін раніцы 13 верасня пажар быў лакалізаваны. Плошча, пройдзеная фронтам пажару, складае 50 гектараў.
Але ж у сеціве адразу паднялася паніка: маўляў, гараць радыеактыўныя лясы, гэта ж небяспечна!
Белгідрамет супакойвае, баяцца няма чаго:
«Радыяцыйнае становішча на тэрыторыі Гомельскай вобласці, як і ў цэлым па краіне, застаецца стабільным, перавышэнняў над шматгадовымі значэннямі не зафіксавана».
Радыяцыйны маніторынг на тэрыторыях, прылеглых да ачагу ўзгарання, праводзіцца ва ўзмоцненым рэжыме», — паведамілі ў Белгідраметцэнтры.