Чарада дзікіх гусей заляцела ў рухавік самалёта і сарвала рэйс

Самалёт бюджэтнай канадскай авіякампаніі Swoop здзейсніў аварыйную пасадку з-за чарады дзікіх гусей, якія трапілі ў рухавік падчас палёту. Пра гэта паведамляе мясцовае выданне News Vancouver.

Лайнер Boeing-737 вылецеў з аэрапорта горада Абатсфорд і накіроўваўся ў Эдмантан. Праз некалькі хвілін палёту ў рухавік паветранага судна засмактала некалькі птушак, і пілотам прыйшлося разварочваць лайнер ў аэрапорт вылету.

“I started seeing flames coming out of the right engine.” Passengers describe the terrifying moments before the plane they were on made an emergency landing in #Abbotsford. https://t.co/VCYOvhiuAhpic.twitter.com/hxto3cY2Rg

— Allison Hurst (@AllisonM_Hurst) 11 сентября 2019 г.

Як відаць на роліку, апублікаваным адной з пасажырак у твітары, пасля сутыкнення з гусямі з-пад правага крыла самалёта вырываліся ўспышкі полымя.

У выніку пілотам удалося паспяхова пасадзіць самалёт, а ўсе пасажыры былі эвакуяваныя без здарэнняў. З-за інцыдэнту рэйс затрымаўся на некалькі гадзін. Прадстаўнікі авіякампаніі прынеслі турыстам прабачэнні за дастаўленыя нязручнасці.

Заставачнае фота pixabay.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0