На Століншчыне гарыць лес на плошчы 3 гектары
Пажар у лесе на поўдзень ад вёскі Старына Столінскага раёна быў заўважаны 10 верасня ў час аблёту тэрыторыі. Да месца пажару былі накіраваны сілы і сродкі Палескага лясгаса.
Высветлілася, што лес гарыць на плошчы 3 га, ёсць пагроза распаўсюду пажару. Дадаткова да месца былі накіраваны яшчэ 3 адзінкі тэхнікі, 10 чалавек, у тым ліку гусенічны ўсюдыход і 2 трактары МТЗ з плугамі.
«Тушэнне пажару ўскладнена адсутнасцю пад'язных шляхоў і забалочанай мясцовасцю. Раніцай 11 верасня для правядзення паветранай разведкі і маніторынгу абстаноўкі вылецеў самалёт АН-2 Пінскага авіяаддзялення МНС, — распавялі ў ведамстве. — Для ліквідацыі пажару задзейнічаны 8 адзінак тэхнікі і 41 чалавек, у тым ліку ўсюдыходы. Паветраны маніторынг вядуць самалёты АН-2», — гаворыцца ў паведамленні МНС
