Алена Анісім будзе змагацца з кіраўніком стаўбцоўскай міліцыі
Старшыня Таварыства беларускай мовы Алена Анісім спрабуе пераабрацца ў дэпутаты Палаты прадстаўнікоў па Стаўбцоўскай акрузе №70.
Алена Анісім.
Хто гэтым разам будзе яе супернікамі? Пакуль што, апроч Анісім, збіраюць подпісы тры чалавекі.
Самая прадстаўнічая пасада ў Івана Мамайкі. Ён начальнік аддзела ўнутраных спраў Стаўбцоўскага райвыканкама.
У парламент звычайна трапляюць некалькі міліцэйскіх начальнікаў, але ўсё ж абласнога ці рэспубліканскага ўзроўню.
Іван Мамайка
Апроч таго, балатуюцца 26-гадовы мінчук з «Лукойла» і 40-гадовы прадпрымальнік, заўсёднік стаўбцоўскіх выбараў.
Падчас папярэдніх парламенцкіх выбараў кандыдатка ад «вертыкалі», дырэктарка Нясвіжскага каледжа, зняла сваю кандыдатуру, спаслаўшыся на праблемы са здароўем. У выніку ў Анісім фактычна не засталося супернікаў, ёй налічылі 41% галасоў.