Даслаць навіну
Знайсці
09.09.2019 / 20:30 3

Украінца судзяць па абвінавачанні ў шпіянажы на карысць Беларусі цягам амаль 15 гадоў

Грамадзянін Украіны праз амаль 15 гадоў сваёй нібыта супрацы зь беларускімі спэцслужбамі прызнаўся ў шпіянажы на карысьць Беларусі. Адпаведную справу расьсьледавала ўпраўленьне Службы бясьпекі Ўкраіны ў Валынскай вобласьці і накіравала ў суд, піша «Радыё Свабода».

Грамадзяніну Ўкраіны Аляксандру Ч. (прозьвішча вядома) пагражае ад 12 да 15 гадоў зьняволеньня. Паводле рашэньня Валынскага апэляцыйнага суда, абвінаваўчы акт будзе разглядаць Луцкі гарадзкі і раённы суд Валынскай вобласьці.

«Працэдура аўтаматычнага разьмеркаваньня вызначыць склад калегіі судзьдзяў, якія будуць разглядаць гэтую справу. Пасьля гэтага судзьдзі прызначаць дату разгляду справы па сутнасьці», — паведамілі Свабодзе ў Валынскім апэляцйным судзе.

Сьледзтва абвінаваціла ўкраінца ў дзяржаўнай здрадзе, якая была ўчынена наўмысна на шкоду дзяржаўнай і інфармацыйнай бясьпецы Ўкраіны: шпіянаж і дапамога прадстаўнікам замежнай дзяржавы ў правядзеньні дывэрсійнай дзейнасьці супраць Украіны.

Як вынікае з матэрыялаў крымінальнай справы, Аляксандар Ч. у канцы лета 2004 году даў вусную і пісьмовую згоду начальніку аддзелу выведкі Пінскага памежнага атраду «Рэчыца» аб канфідэнцыйным супрацоўніцтве. Паводле дамовы, ён мусіў перадаваць беларускаму боку інфармацыю аб сыстэме бясьпекі дзяржаўнай мяжы і асабістым складзе падразьдзяленьняў на памежных участках у Ратнаўскім і Дубровіцкім раёнах Валынскай вобласьці. Перадача інфармацыі, паводле сьледзтва, ажыцьцяўлялася пры дапамозе сотавай сувязі (у справе зазначаецца дакладны нумар мабільнага тэлефону).

Такім чынам, паводле сьледзтва, Аляксандар Ч. «уступіў у агентурныя адносіны з замежнай спэцслужбай і, адпаведна, стварыў умовы для замежных спэцслужбаў для ажыцьцяўленьня выведвальнай дзейнасьці на тэрыторыі Ўкраіны».

У абвінаваўчым акце адзначаецца, што ўкраінец працягваў супрацу да свайго звароту ў СБУ, у якім і паведаміў аб вэрбаваньні.

Адвакат абвінавачанага Ўладзімір Раманоўскі адмовіўся ўдакладняць дэталі справы і прафэсійную прыналежнасьць свайго кліента: «Я не магу камэнтаваць абставіны гэтай справы».

Сёлета ў жніўні стала вядома, што грамадзянін Украіны добраахвотна зьвярнуўся ў Службу бясьпекі і назваў імя свайго вэрбавальніка ў Беларусі. Ім нібыта быў супрацоўнік Упраўленьня фінансавых расьсьледаваньняў Камітэту дзяржаўнага кантролю Берасьцейскай вобласьці Ўладзіслаў Л. Гэты выпадак адбыўся таксама на Валыні.

Гэта пяты выпадак нібыта вэрбаваньня ўкраінцаў беларускімі спэцслужбамі і першы, калі абвінавачаньне патрабуе пакараньня. Дагэтуль усіх украінцаў, якія добраахвотна паведамлялі аб сваім вэрбаваньні, вызвалялі ад крымінальнай адказнасьці.

Пасьля першых аналягічных гісторый у прэсавым цэнтры Службы бясьпекі Ўкраіны Свабодзе заяўлялі, што такія факты фіксуюцца «амаль сыстэматычна». Што праўда, пра іх ніколі не паведамляюць афіцыйна — усе яны сталі вядомыя пасьля публікацыі судовых рашэньняў аб закрыцьці крымінальных спраў супраць украінцаў, якія добраахвотна паведамілі СБУ пра сваё вэрбаваньне.

Алена Літвінава, «Радыё Свабода»

0
Walkman / адказаць
09.09.2019 / 20:47
Уласна, чаму не пазбавiлi звышзгаданага адказнасьцi крымiнальнай?
2
Андрюха Горец (Беларусь Витебск ) / адказаць
09.09.2019 / 21:27
 Предатель ! 
1
Казік / адказаць
09.09.2019 / 21:28
15 год здрады думаў за раз забудуць? Не год, нават не пяць, а 15, Карл. Правільна зрабілі.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30