Знайсці
09.09.2019 / 11:469РусŁacБел

Ад барысаўскіх вёсак у дэпутаты ідзе экс-міністарка інфармацыі Лілія Ананіч

У Барысаўскай сельскай акрузе №63 зарэгістраваныя тры ініцыятыўныя групы па зборы подпісаў на выбары ў Палату прадстаўнікоў. Асабліва тут звяртае ўвагу асоба былой міністаркі інфармацыі Ліліі Ананіч.

Ананіч родам з Барысаўскага раёна, яна нарадзілася ў вёсцы Леванова. Часта там бавіць час і цяпер. Яе бацька Станіслаў Яцэвіч быў дырэктарам мясцовай школы.

Ад 2001 года Лілія Ананіч была намеснікам міністра інфармацыі. У 2014 — 2017 гадах узначальвала Міністэрства.

Апошнімі гадамі Ананіч актыўнічала ў Беларускім саюзе жанчын.

Супернікамі Ананіч будуць 24-гадовы грузчык Яўген Шчэрбін і 41-гадовы начальнік Барысаўскага гаррайаддзела па надзвычайных сітуацыях Уладзімір Пікуза.

Глядзі таксама: Гісторыя жыцця Ліліі Ананіч, якая тры гады была міністрам інфармацыі

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера