Даслаць навіну
Знайсці
09.09.2019 / 08:20 14

Рассакрэцілі новыя дакументы пра пакт Молатава — Рыбентропа

Міністэрства абароны Расіі рассакрэціла архіўныя дакументы, звязаныя з пактам аб ненападзе паміж СССР і Нямеччынай ў 1939 годзе (пакт Молатава — Рыбентропа). Пра гэта РБК паведамілі ў дэпартаменце інфармацыі і масавых камунікацый Мінабароны РФ.

Дакументы з фондаў Цэнтральнага архіва ваеннага ведамства «Крохкі мір на парозе вайны» апублікаваныя ў мультымедыйным раздзеле на сайце ведамства. Яго адкрылі да 80-й гадавіны падпісання пакта.

Падборка дакументаў адпавядае сённяшнім афіцыйным ідэалагічным устаноўкам Крамля.

Сярод апублікаваных матэрыялаў — шыфратэлеграмы начальніка галоўнага палітычнага ўпраўлення Чырвонай Арміі Льва Мехліса, якія ён адпраўляў кіраўніцтву СССР з розных гарадоў Заходняй Украіны. У іх ён казаў пра «непадробны энтузіязм», з якім украінцы сустракалі савецкія войскі, аб раззбраенні жыхарамі асобных падраздзяленняў польскай арміі і іх «вялікай зацікаўленасці ў жыцці СССР».

Акрамя гэтага, Мінабароны абнародавала службовую запіску начальніка Генштаба РККА Барыса Шапашнікава наркама абароны СССР ад 24 сакавіка 1938 г. Тэкст, які заняў 31 старонку, ён напісаў ад рукі і выклаў у запісцы «ацэнку ваеннай пагрозы, якую могуць мець розныя дзяржавы як самастойна, так і ў складзе ваенных саюзаў і блокаў», паведамляе ведамства.

Згодна з яго інфармацыяй, пагрозу для СССР меў не толькі ваенны саюз Германіі і Італіі, але і Польшча, «якая знаходзіцца «ў арбіце» фашысцкага блоку». Шапашнікаў паведамляў, што напярэдадні вайны ў альянса Германіі і Італіі налічвалася ў суме больш за 160 пяхотных дывізій, больш за 7 тыс. танкаў і 4,5 тыс. самалётаў.

У праект таксама ўвайшлі ўспаміны пасла СССР у Вялікабрытаніі Івана Майскага, апублікаваныя ў часопісе «Новое время» ў 1966 годзе. Паводле яго інфармацыі, як адзначае Мінабароны РФ, адным з прыярытэтаў СССР у 1938—1939 г. было дасягненне «антыфашысцкага ваеннага саюза з Вялікабрытаніяй і Францыяй для захавання балансу сіл у Еўропе». Аднак пасля таго, як трохбаковыя перамовы паміж СССР, Францыяй і Вялікабрытаніяй ў 1939 годзе зайшлі ў тупік, савецкая дзяржава заключыла дагавор аб ненападзе з нацысцкай Германіяй.

* * *

Пактам Молатава — Рыбентропа называюць дамову пра ненапад паміж СССР і Германіяй, падпісаную 23 жніўня 1939 года. У дадатковым сакрэтным пратаколе да яе размяжоўваліся сферы ўплыву дзяржаў ва Усходняй Еўропе. У сферу інтарэсаў СССР траплялі Латвія, Эстонія, Фінляндыя, Бесарабія, а таксама заходнія тэрыторыі Беларусі і Украіны, што знаходзіліся ў складзе Польскай дзяржавы. Літва і заходняя частка Польшчы траплялі ў сферу інтарэсаў Германіі.

NN.by

2
Жвір / адказаць
09.09.2019 / 15:49
Лявон Баршчэўскі,
Літвінаў
Якое дзіўнае прозьвішча ! Нейкае ненатуральнае. Літвінаў нібыта ніколі ж не было, а Літвінавых -  плот гарадзі...І ад каго ж яны пайшлі такія ?  Навука капітулявала, навукоўцы распісаліся ў сваім бяссільлі,..шыбанула іх гэткім фактам...
0
Лявон Баршчэўскі / адказаць
09.09.2019 / 23:43
Літвінавы - гэта наша годнасьць! Унук наркама Літвінава, Павел, выйшаў на Красную плошчу 25 жніўня 1968-га - пратэставаць супраць уварваньня савецкіх войскаў - і ён перамог, у т.л. будучага "кадравага" Пуціна.
0
Лявон Баршчэўскі / адказаць
10.09.2019 / 09:37
вельмі ўзважаны і, на мой погляд, дакладны аналіз савецка-нямецкіх стасункаў напярэдадні й на пачатку 2-й сусьветнай вайны дае расійскі гісторык Аляксандр Пронін у сваёй кнізе, выдадзенай у Екацярынбургу ў 1998 годзе. Кніга ёсьць і ў сеціве.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30