14 чалавек пацярпелі падчас выбуху на народным свяце ў Германіі

Не менш за 14 чалавек ад 31 да 75 гадоў пацярпелі ў выніку выбуху, які адбыўся на народным свяце ў нямецкім горадзе Фройдэнберг. Стан шасці з іх ацэньваецца як вельмі цяжкі, паведамляюць інфармагенцтвы.

Паводле папярэдніх звестак, выбух магло справакаваць траплянне вады на патэльню з гарачым тлушчам. У Фройдэнбергу на момант інцыдэнту ішоў дождж. Як лічаць у праваахоўных органах, аб выбуху газу гаворка, хутчэй за ўсё, не ідзе.

Расследаванне вядзе крымінальная паліцыя. Людзі, якія атрымалі цяжкія траўмы, дастаўленыя на верталётах у клінікі ў Рурскай вобласці і Кёльне.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0