Знайсці
06.09.2019 / 16:527РусŁacБел

З'явіліся фоты расійскіх вайскоўцаў, якія загінулі ў Сірыі. Расія раней абвяргала іх гібель

Апублікаваны фотаздымак расійскіх вайскоўцаў, якія загінулі ў Сірыі ў выніку сутыкнення з паўстанцамі з групоўкі Фронт нацыянальнага вызвалення (іх падтрымлівае Турцыя). Крыніцы РБК, знаёмыя з абставінамі гібелі вайскоўцаў, пацвердзілі сапраўднасць гэтага фота.

Каля трох партрэтаў у жалобных рамках ляжаць кветкі. Адзначаецца, што тры вайскоўцы загінулі 3 верасня, падарваўшыся на міне. Знаёмыя аднаго з вайскоўцаў пацвердзілі, што прычынай яго гібелі стаў выбух міны.

Загінулі старэйшы лейтэнант Кірыл Ніканаў, капітан Дзмітрый Сыскоў і маёр Раман Міцык, яшчэ двое вайскоўцаў пацярпелі. Паводле крыніцы, яны служылі ў Сілах спецыяльных аперацый УС Расіі.

Напярэдадні Мінабароны Расіі афіцыйна абвяргала паведамленні пра гібель расійскіх вайскоўцаў.

Расійскі спецназ пацярпеў у Сірыі сур'ёзныя страты ў выніку сутыкнення з сірыйскімі паўстанцамі з групоўкі Фронт нацыянальнага вызвалення, якіх падтрымлівае Турцыя.

Паводле розных звестак магло загінуць ад трох да дзевяці расійскіх вайскоўцаў.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера