Даслаць навіну
Знайсці
05.09.2019 / 21:33 44

Два міліцыянты пабіліся ў бары праз дзяўчыну. 19-гадовы ўчастковы ў коме — падрабязнасці

31 жніўня ў докшыцкім бары «Сфера» ўчастковага Івана Хілько ўдарыў іншы міліцыянт, Аляксандр Жданько. Ён працуе ў аддзеле барацьбы з наркотыкамі. Для Хілько ўсё скончылася трэпанацыяй чэрапа і комай.

Павялічыць выяву

Іван Хілько

У бары «Сфера» пацвердзілі факт здарэння: сказалі, што выклікалі хуткую і аказвалі першую дапамогу пацярпеламу, пакуль ехалі дактары.

Знаёмыя сям'і пацярпелага распавялі «Нашай Ніве» вядомую ім версію падзей. 

Прычынай бойкі нібыта стала 23-гадовая ўраджэнка Докшыц Дар’я Ж. Яе ніяк не маглі падзяліць Аляксандр Жданько і старэйшы брат 19-гадовага Івана, расказваюць вяскоўцы з Несцераўшчыны (там жывуць бацькі Івана Хілько).

«У Вані Хілько два старэйшыя браты, блізняты. Адзін брат жанаты ўжо, другі пакуль халасты. І вось тая Дар’я была то з тым халастым братам, то са Жданько.

Увечары ў суботу Жданько усё названьваў Ваню: маўляў, прыходзь у бар «Сфера» пагаварыць. Бацька адгаворваў Ваню, але марна — той усё адно пайшоў.

У «Сферы» быў п’яны Жданько. Ён пачаў Ваню пагражаць, казаць, што і яму пакажа, і яго брату… Пасля ўдарыў Ваню. Ударыў толькі адзін раз. Ваня ўпаў, пасля падняўся, харкнуў крывёю і зноў упаў. Больш ужо не ўставаў.

Хуткая на рэанімабілі адвезла яго ў Віцебск. Там вырашылі, што хлопца трэба пераводзіць у Мінск. Цяпер ён там у шпіталі. Быў у коме, яму ўскрывалі чэрап. Кажуць, што ўчора яму стала лепш, прыйшоў у прытомнасць, нават размаўляў… А сёння яму зноў пагоршала.

Ваня такі ўжо харошы хлопец, мы тут усёй вёскай молімся за яго.

Ён са звычайнай сям’і: бацька — кіроўца на пошце, мама працуе ў вясковай краме. Усе добрыя, працавітыя, і дзеці ў іх такія. Сям’я вялікая: ёсць старэйшая дачка, двое сыноў і малодшы Ваня.

Сам Ваня адслужыў у войску, быў там кінолагам. Пасля войска пайшоў у міліцыю. Усё нармальна было: ўзялі Ваню ўчастковым, абслугоўваць Ваўкалацкі сельсавет, далі пакой ў інтэрнаце ў Докшыцах, бацькі яму машыну ўзялі ў крэдыт… і тут такое», — расказалі знаёмыя сям'і Хілько.

«Наша Ніва» звязалася з бацькамі Івана, але яны адмовіліся ад каментараў. 

«Я зла нікому не хачу, нават Жданько. Хачу толькі, каб мой Ваня выжыў. Застанецца жывы, тады ўсё раскажу, што ведаю. А пакуль — прабачце», — паведаміла «Нашай Ніве» маці Івана.

Яна пацвердзіла, што сын пакуль што ў рэанімацыі.

Спачатку Жданько затрымалі, пасля адпусцілі. Сёння ён на волі. Хлопцу 22 гады. Ён скончыў Акадэмію МУС, апошні год працаваў у мясцовым наркакантролі.

Старэйшы брат Аляксандра таксама сілавік, працуе ў Следчым камітэце.

Павялічыць выяву

Аляксандр Жданько.

Бацька Аляксандра таксама не захацеў каментаваць выпадак. 

«Наша Ніва» звязалася і з Дар'яй Ж. Кажуць, дзяўчына была разам са Жданько ў бары, калі ён ударыў Івана. Але яна таксама не захацела нічога казаць.

Знаёмыя сям'і пацярпелага расказваюць, што нібыта Жданько ў вечар трагедыі прызнаў віну. Маўляў, ён паведаміў, што меў намер збіць Івана. Але на наступны дзень працверазеў і пачаў казаць, што ўвогуле нікога не біў. Праўда гэта ці чуткі — пакуль невядома.

УШ

1
Ян Севярын Бакей / адказаць
06.09.2019 / 21:14
а сапраўды, нейкія "нестыковачкі"  па тэксту: Іван у свае 19 гадоў ужо адслужыў кінолагам (памежнік?) у арміі. (калі ж пасьпеў?). Да дзеўчыны заляцаўся нібыта старэйшы брат, а на "цёркі-разборкі" той наркот выклікаў менавіта Івана.. І -алё, хто знае УПК і КК!  -чаму падазраванага ў нанясеньні цяжкіх цялесных ( з магчымым больш цяжкім сыходам, не дай Бог..) выпусьцілі? пад падпіскаю?
1
Знаёмы / адказаць
07.09.2019 / 19:39
Гэта не менты. Гэта каты!
3
Просто человек / адказаць
07.09.2019 / 21:46
Это сломаные жизни двух молодых парней. Их жизнь, жизнь их близких разделилась на ДО и ПОСЛЕ...и почему столько ненависти к ним? Потому что они выбрали такую профессию? Как не зная людей можно вылить столько помоев на них! Жутко читать...столько злости, ненависти,нетерпимости в комментариях! Это случайность, стечение обстоятельств...страшное, трагичное, это мгновение, искорёжившее человеческие судьбы. От тюрьмы и сумы не зарекайся...вспомните народную мудрость. На месте этих молодых людей может оказаться каждый. Терпения, здоровья, моральных сил всем, кто оказался в этой тяжёлой ситуации.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30