Даслаць навіну
Знайсці
04.09.2019 / 16:45 43

«Зборышча выб***аў». 19-гадовая выхавальніца з Салігорска абурыла бацькоў фотам дзяцей у інстаграме

У сеціва трапіў скрыншот перапіскі 19-гадовай Караліны Саніковіч, выхавальніцы аднаго з дзіцячых садкоў Салігорска. У асабістай перапісцы дзяўчына зрабіла фотаздымак падчас ціхай гадзіны і падпісала яго: «Зборышча выб***аў».

Павялічыць выяву

Пасля таго, як сяброўка Караліны выклала перапіску ў адну з суполак Салігорска, паводзінамі дзяўчыны абурыліся ледзьве не ўсе мамы і таты горада.

Дзяўчыну літаральна закідалі паведамленнямі. Караліна спрабавала адказваць, што насамрэч яе ўзламалі, і яна такога не пісала.

Павялічыць выяву

«Наша Ніва» звязалася з Каралінай, каб пачуць, што ўсё ж такі адбылося:

Павялічыць выяву

«А давайце не будзем раздуваць шуміхі. Ужо нічога не паправіш. Адразу пасля таго, як у аддзеле адукацыі даведаліся пра гэта, мяне звольнілі па артыкуле. А працавала я па размеркаванні. Ды яшчэ па мэтавым. Цяпер мне трэба выплаціць 15 тысяч рублёў», — сказала Караліна.

Дзяўчына працягвае: «І я, шчыра кажучы, наогул не разумею, што мне зараз рабіць і як жыць далей. У садку я атрымлівала прыкладна 350 рублёў у месяц. І як бы там хто ні думаў і ні казаў, мне падабалася працаваць з дзецьмі. І на дзяцей я ніколі не крычала, не злавала».

Начальнік Салігорскага аддзела адукацыі: «Найлепшы кантралёр за выхавацелямі — дзеці і іх бацькі»

Начальнік аддзела адукацыі Ігар Цыбулька расказаў «Наша Ніве», што пакуль Караліна не звольненая.

«Створаная камісія, ёй праводзіцца праверка і рашэнне аб звальненні гэтай выхавацелькі будзе прынятае заўтра. Хутчэй за ўсё, Караліна будзе звольнена па артыкуле 47 працоўнага кодэксу: «Амаральныя паводзіны супрацоўніка». Недахопу ў кадрах у Салігорскім раёне няма, і на яе месца мы возьмем другога работніка. «Чорных спісаў» у нас няма, таму Караліна можа спрабаваць уладкавацца ў іншую ўстанову адукацыі. Пасля гэтай сітуацыі бацькі прапаноўвалі ўсталяваць у садках камеры відэаназірання. Мы гэтага рабіць не будзем. Яны ёсць ва ўсіх установах, але ў іх іншая мэта — не сачыць за педагогамі. Найлепшы кантралёр за паводзінамі педагогаў — гэта нашы дзеці і іх бацькі, — падсумаваў Ігар Цыбулька.

Наталля Тур

0
Виталий Cпикин / адказаць
05.09.2019 / 19:38
Вот что значит отсутствие конкурса в педВУЗы.... 
0
Грамазека / адказаць
05.09.2019 / 20:43
Напэуна нехта жадае бучыць нянечку высокаадукаваным итэлектуальным чалавекам...
2
Ladzimir / адказаць
06.09.2019 / 09:23
Дзмитро Александрыйски, Ну дык не працуй тут, раз мала плоцяць. Шукай другую працу.
Толькі не пайму, пры чым тут дзеці?  А калі б наогул не плацілі- то што , пазабіваць іх ўсіх?
Так можна дагаварыцца да абсурда!
А я пішу - чытай часцей.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30