Хлопец прыпаркаваў машыну каля маладзечанскай міліцыі. Тады аўто аблілі пенай

Сёння каля галоўнага ўваходу ў будынак Маладзечанскага РАУС малады чалавек прыпаркаваў аўтамабіль «Аўдзі-80». Супрацоўнікі міліцыі заўважылі, што з бака машыны выцякае паліва.

Праваахоўнікі тут жа выклікалі ратавальнікаў. Супрацоўнікі МНС пеннай атакай ліквідавалі ўцечку бензіну.

Міліцыянеры звязаліся з уладальнікам аўтамашыны. Ён растлумачыў, што гуляе з дзяўчынай па горадзе, па аўтамабіль прыпаркаваў на вольнае месца, але не звярнуў увагу на знакі.

У дачыненні да 21-гадовага жыхара Валожынскага раёна супрацоўнікі ДАІ склалі адміністрацыйныя пратаколы, у тым ліку за парушэнне правілаў стаянкі і забруджванне аўтамабільнай дарогі.

Рэгіянальная газета

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0