Грамадзянін Турцыі спрабаваў нелегальна перавесці праз мяжу з ЕС 14 мігрантаў

2 верасня ў дачыненні да грамадзяніна Турцыі завялі крымінальную справу за арганізацыю незаконнай міграцыі, паведамляе Дзяржпагранкамітэт.

Яшчэ 17 жніўня ў Камянецкім раёне пагранічнікі затрымалі 14 грамадзян Ірана, якія спрабавалі парушыць мяжу. У нелегалаў быў памочнік — 56-гадовы грамадзянін Турцыі, які за грашовае ўзнагароджанне суправадзіў замежнікаў да дзяржаўнага рубяжа. Адразу ж пасля дастаўкі мігрантаў да мяжы ён паспрабаваў пакінуць краіну на арандаваным аўтамабілі.

Грамадзяніну Турцыі пагражае пакаранне ў выглядзе абмежавання або пазбаўлення волі да пяці гадоў. Нелегальных мігрантаў чакае дэпартацыя з забаронай уезду ў краіну тэрмінам да 5 гадоў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0