Карыстальнікам сэрвісу «Колабайк» прыходзяць паведамленні пра вялікую запазычанасць
Карыстальнікі сэрвісу пракату ровараў і самакатаў «Колабайк» б'юць трывогу. Ім сталі прыходзіць паведамленні аб тым, што на балансе вялікая запазычанасць і што чалавек больш не зможа карыстацца сэрвісам, пакуль не пагасіць запазычанасць.
Такія паведамленні з'явіліся сёння ў дадатку «Колабайк» некалькіх карыстальнікаў сэрвісу.
Аднак папаўняць баланс спяшацца не варта. У тэхнічнай службе «Колабайк» адказалі: «Такое магло здарыцца з дзвюх прычын. Вы маглі скарыстацца роварам, паставіць яго, а замок не зачыніць. І паездка аўтаматычна працягнулася. Або (і гэта хутчэй за ўсё) у праграме здарыўся збой. Таму што з падобнымі праблемамі да нас сталі звяртацца людзі. Калі ў вас узнікла падобная праблема, звярніцеся ў службу тэхпадтрымкі, нашы спецыялісты «скінуць» праблему», — адказалі «Нашай Ніве» ў «Колабайк».