Даслаць навіну
Знайсці
02.09.2019 / 08:56 10

Паглядзіце, які класны мультфільм выйшаў да Дня ведаў: гісторыя беларускай кнігі ўсяго за тры хвіліны! ВІДЭА

Саюз беларускіх пісьменнікаў спецыяльна да Дня ведаў падрыхтаваў школьнікам файны падарунак — анімацыйны фільм «Ад Скарыны пачатак… Пяць стагоддзяў нашай кнігі».

У ім узноўленая сродкамі анімацыі, гісторыя беларускага кнігадруку праходзіць перад вачыма гледачоў за тры хвіліны.

«Псалтыр» Францішка Скарыны, Статуты ВКЛ, падпольныя выданні Кастуся Каліноўскага, нашаніўская пара, эпоха беларусізацыі і першая Нобелеўская прэмія па літаратуры — усе гэтыя падзеі знайшлі адлюстраванне ў анімацыйным фільме. Бо беларуская кніга, на думку стваральнікаў мультфільма, аб’ядноўвала нашу нацыю і рухала яе наперад. Дзякуючы творцам, выдаўцам і распаўсюднікам друкаванага слова сто гадоў таму паўстаў масавы беларускі рух, працягам і вынікам якога стала незалежнасць БНР.

«А дзякуючы набыткам беларусізацыі, ацалелым пасля часоў сталінскага тэрору, узнікла пераемнасць пакаленняў, друкаванае слова спадарожнічала беларусам у школе і дома да паўстання сучаснай незалежнай Беларусі. Гісторыя беларускай кнігі працягваецца, і кожны з нас можа ўпісаць у гэтую гісторыю сваю ўласную старонку», — кажа Барыс Пятровіч, старшыня СБП.

Анімацыйны фільм створаны на замову Саюза беларускіх пісьменнікаў крэатыўным агенцтвам «Малако» (канцэпцыя, рэжысура, прадакшн). Агучваў анімацыйны фільм акцёр Купалаўскага тэатра Аляксандр Малчанаў пад рэжысурай Рамана Падалякі. Партнёр — грамадская кампанія «Будзьма беларусамі!»

NN.by

1
Сяржук Вінаградаў / адказаць
02.09.2019 / 21:17
>>> а беларускую мову і друк на ёй ніколі ніхто не забараняў. >>> Зборнік Янкі Лучыны "Вязанка" быў набраны кірыліцай і падрыхтаваны ды друку ў 1903 г. Цэнзура яго не дазваляла, бо па-беларуску. Давялося казаць, што ён па-балгарску. Вось тады дазволілі! Цікава таксама, што першая (!) легальная беларуская газэта "Наша Доля" (кірыліцай й лацінкай) пачала выходзіць толькі ў 1906 годзе, падчас адлігі. Да таго часу не дазвалялі. Этнаграфічныя матэрыялы не ствараліся масавымі накладамі для беларусаў, таму ня значаць легальнага стастусу беларускае мовы.
1
Сяржук Вінаградаў / адказаць
02.09.2019 / 22:18
"За ўсё 19 ст. на беларускай мове выйшла толькі 75 кніг, якія друкаваліся пераважна лацінкай і нелегальна або за межамі Расійскай дзяржавы. А пасьля паўстання 1963 г. на працягу трыццаці гадоў на Беларусі не было надрукавана ніводнай кнігі на беларускай мове". (А.М. Лапкоўская, "Беларуская мова (прафесійная лексіка)", Гродна 2008 г.)
0
гоблін / адказаць
08.09.2019 / 21:32
вещь!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30