Азаранка і Барці прабіліся ў 1/16 фіналу парнага разраду на US Open

Вікторыя Азаранка на US Open 2018. Фота Wikimedia Commons.

Беларуска Вікторыя Азаранка і аўстралійка Эшлі Барці прабіліся ў 1/16 фіналу парнага разраду адкрытага чэмпіянату ЗША па тэнісе, паведамляе БЕЛТА.

У матчы першага раунда з расіянкай Маргарытай Гаспаран і румынкай Монікай Нікулеску беларуска-аўстралійскі дуэт прайграў першы сэт 4:6 і выйграў дзве партыі з аднолькавым лікам 6:1.

Сёння вечарам Вікторыя Азаранка і Эшлі Барці ў гульні за выхад у 1/8 фіналу сустрэнуцца з амерыканска-украінскім тандэмам Абігейл Спірс / Надзея Кічанок.

Раней у 1/16 фіналу парнага разраду выйшлі яшчэ дзве беларускія тэнісісткі: Арына Сабаленка разам з бельгійкай Элізе Мертэнс, а таксама Аляксандра Сасновіч і славачка Вікторыя Кужмава.

0

0

0

0

0

0